• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

साफ च्याम्पियनसिपः नेपाल समूह विजेताका साथ सेमिफाइनलमा



काठमाडौँ, ७ भदौ । पहिलो पटक आयोजना भएको उन्नाइस वर्षमुनिको साफ च्याम्पियनसिप फुटबल प्रतियोगितामा नेपाल आज बङ्गलादेशलाई पराजित गर्दै सेमिफाइनलमा प्रवेश गरेको छ । 

सातदोबाटोस्थित अखिल नेपाल फुटबल सङ्घ (एन्फा)को टेक्निकल सेन्टरको खेल मैदानमा भएको सो प्रतियोगितामा नेपाल बङ्गलादेशलाई २–१ गोलअन्तरले पराजित गर्दै समूह ए को विजेताका रुपमा सेमिफाइनलमा प्रवेश गरेको हो । प्रतियोगितामा पहिलो अग्रता भने बङ्गलादेशले लियो । खेलको पहिलो हाफको ११ औँ मिनेटमा रोहित सरकारले बङ्गलादेशका लागि गोल गरे ।
त्यस्तै खेलको १८ औँ मिनेटमा नेपालका अञ्जान विष्टले एक गोल फर्काउँदै खेललाई एक एक गोलको बराबरीमा ल्याए । उनले पेनाल्टीमार्फत गोल गरेका हुन् ।
निर्धारित समयसम्म निकै प्रतिस्पर्धात्मक बनेको खेलमा अन्ततः नेपाललाई जित दिलाउन बङ्गलादेशका खेलाडीले नै सहयोग गरे । बङ्गलादेशका टुटुल बदशाहले खेलको दोस्रो हाफको इन्जुरी समयमा आत्मघाती गोल गरिदिएपछि नेपालको जित सुनिश्चित हुन पुग्यो ।
नेपाल जारी प्रतियोगितामा शीर्ष छ अङ्क जोड्दै समूह ए को समूह विजेताका रुपमा सेमिफाइनलमा प्रवेश गरेको हो । त्यस्तै बङ्गलादेश तीन अङ्कका साथ उपविजेताका रुपमा सेमिफाइनलमा प्रवेश ग¥यो । नेपालले पहिलो खेलमा भुटानलाई ३–० गोलअन्तरले पराजित गरेको तथा बङ्गलादेशले भुटानलाई २–० ले गोलअन्तरले पराजित गर्दै प्रतियोगितामा तीन अङ्क जोडेको थियो । मङ्गलबार समूह ‘बी’अन्तर्गत अपराह्न ३ः३० बजे माल्दिभ्सले भारतको सामना गर्नेछ । रासस