• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना

शुक्रराज अस्पताल टेकूमा हैजाका बिरामी वृद्धि



काठमाडौँ, ८ भदौ । शुक्रराज ट्रपिकल तथा सरुवा रोग अस्पताल, टेकूले वर्षायामको समयमा अहिले हैजाको सङ्क्रमण बढेको जनाएको छ । अस्पतालका अनुसार साउन दोस्रो सातापछि अहिलेसम्म ६० जनाले हैजाको उपचार गराएका छन् । पानीको सङ्क्रमण तथा दूषित खानेकुराको सेवनले हैजाका बिरामी बढेका छन् । काठमाडौँका कुलेश्वर, टेकु, कालिमाटी, कलङ्की तथा ललितपुरको सानेपालगायत स्थानका मानिसमा सो रोगको सङ्क्रमण पाइएको हो । कतिपय बिरामी उपचार गराएर घर फर्किसकेका छन् भने केही अस्पतालमा भर्ना भई उपचारमा छन् । अस्पतालका अनुसार अघिल्लो वर्ष यस समयमा ४० जनाले हैजाको उपचार गराएका थिए । हैजालगायत अन्य सरुवा रोगको पनि सङ्क्रमण हुनसक्ने हुँदा सर्वसाधारणलाई सावधानी अपनाउन अस्पतालले आग्रह गरेको छ । रोगको सङ्क्रमण हुनेमा अधिकांश युवावर्ग छन् भने अस्पतालमा उपचार गराउने बालबालिका र ज्येष्ठ नागरिकको सङ्ख्या भने कम छ । 

अस्पतालका प्रमुख केदारप्रसाद सेञ्चुरीले दिसापिसाबबाट सरुवा रोगका कीटाणु फैलन सक्ने हुँदा फोहर नजिक रहेका विभिन्न खानेकुरा नखान आग्रह गर्नुभयो उहाँले घरवरपर सरसफाइमा विशेष ध्यान दिनुपर्ने तथा साबुनले हात धुने, पानी उमालेर पिउने र ताजा खानेकुरा खाएमा सरुवा रोगबाट बच्न सकिने बताउनुभयो । विशेष गरी भिविरियो कलेरा नामक जीवाणुबाट हैजाको सङ्क्रमण हुने गर्छ । त्यस्तै, अस्पतालबाट टाइफाइड, एचआइभी एड्स, कुकुरले टोकेका, कालाजार, भृङ्गीजस्ता रोगको समेत बिरामीले उपचार गराएका छन् । रासस