• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   देशको अर्थतन्त्र गत वर्षजस्तो सङ्कटमा छैन: प्रधानमन्त्री दाहाल ★   आयरल्याण्ड ‘ए’ ले नेपाल ‘ए’ लाई दियो २२३ रनको विशाल लक्ष्य ★   प्रेस सेन्टरले गर्यो मिलन लिम्बूलाई बर्खास्त ★   कपनबाट पेस्तोलसहित एकजना पक्राउ ★   लगानी सम्मेलनमा प्रदेशका आयोजनाको छुट्टै स्टल ★   कोहली भर्सेस स्टार्कः दुबैलाई एक–अर्काको चिन्ता ★   राजस्थानलाई जिताउने पराग ज्वरो आएर तीन दिन विस्तारामा सुतेका थिए, पेनकिलर खाएर खेले ★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै

८ प्रदेश नभए संविधानसभाबाट बाहिरिन्छु : गच्छदार, संविधानसभा चार दलको भारदारीसभा : कमल थापा



काठमाडौं, भदौ ९ । संविधानसभाको चौथो दल राष्ट्रिय प्रजातन्त्र पार्टी नेपालका अध्यक्ष कमल थापाले संविधानसभा चार दलको भारदारीसभा भएको आरोप लगाएका छन् ।

बुधवारदेखि शुरु भएको संविधानको मस्यौदा विधेयकमाथिको छलफलमा भाग लिंदै अध्यक्ष थापाले भने ‘चार दलका शीर्ष नेताहरुले संविधानसभालाई राणाकालिन भारदारी बनाउन खोजेका छन् ।’ उनले मस्यौदा समितिका सभापति कृष्ण सिटौलालाई राणाकालीन फर्मान सुनाउने रहरबाट मुक्त हुन आग्रह गरे । थापाले पटक पटक भारदरी सभा भनेपछि एमाले सभासद कर्णबहादुर थापाले नियमापत्ति गरेका थिए ।

छलफलमा सहभागीहुँदै फोरम लोकतान्त्रिकका अध्यक्ष विजय गच्छदारले भने आठ प्रदेशले मात्र थारु, मधेसी र जनजातिलाई सम्बोधन गर्न सक्ने दावी गर्दै भने ‘सात प्रदेशले पहाडलाई सम्बोधन गरेको छ तर मधेसी र थारु समुदायको आवाजलाई सम्बोधन गर्न सकेन ।’

‘म अन्तिम समयसम्म प्रक्रिया छु । तर, आदिवासी जनजाति, थारु र मधेसीको चित्तबुझ्दो भएन भने मेरो पार्टी र म यो प्रक्रियाबाट बाहिर जान्छु’, गच्छदारले चेतावनी दिए ।

गच्छदारले कैलालीको टीकापुरमा भएको घटनालाई कसैले राम्रो नमान्ने बताए । तर अहिले थारुहरुको घर जलाइएको भन्दै उनले भने(यस्तो हिंसात्मक प्रवृत्तिलाई रोक्नुपर्छ । तर, राजनीतिक समस्याको समाधान राजनीतिक रुपमा नै खोज्नुपर्छ ।’