• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   शौचालयमा मृत भेटिइन् डा प्रतिभा ★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति

नुवाकोटमा ३५ महिला बालबालिका बेपत्ता, दलालले बिक्री गरेको आशंका



नुवाकोट भदौ ९। वैशाख १२ गतेको विनाशकारी भूकम्पपछि नुवाकोट जिल्लाबाट महिला तथा बालिका हराउने क्रम बढेको छ ।

त्यसअघि ग्रामीण भेगबाट महिला तथा बालिकालाई बिक्रीका लागि दलालले फाट्टफुट्ट लैजाने गरेकोमा पछिल्लो चार महिनामा यो सङ्ख्या ह्वात्तै बढेको छ ।

जिल्ला प्रहरी कार्यालय नुवाकोटले उपलब्ध गराएको तथ्याङ्कअनुसार अहिलेसम्ममा ४७ जना महिला तथा बालिका हराएकोमा १० जना मात्रै फेला परेका छन् । भूकम्पपछि ३४ जना महिला र १३ जना बालिका हराएका थिए । त्यसमध्ये सातजना महिला र तीनजना बालिका फेला परेको नुवाकोटका प्रहरी निरीक्षक वीरेन्द्र थापाले जानकारी दिए ।

महिला तथा बालिका हराएको अनुपातमा जिल्ला प्रहरी कार्यालय नुवाकोटमा उजुरी कमै आउने गरेको छ । प्रहरीलाई प्राप्त हुने जाहेरीमा पनि बिक्रीकै लागि भनेर उल्लेख नहुने गरेको प्रहरी निरीक्षक वीरेन्द्र थापाले बताए ।

जिल्ला प्रहरी कार्यालयमा उजुरी दर्ता भएको सङ्ख्याको आधारमा १३ जना बालबालिका हराएका छन् । त्यसमध्ये, तीनजना मात्रै भेटिएको प्रहरीले जनाएको छ तर भेटिएपछि आफन्त परिवारले प्रहरीलाई जानकारी दिने नगरेकाले हराउनेको सङ्ख्या बढ्दै जाने र भेटिनेको विवरण कम हुने गरेको प्रहरी निरीक्षक थापाले बताए ।
विसं २०२२ देखि नुवाकोटबाट महिला बिक्रीको क्रम सुरु भएकोमा पछिल्ला वर्षमा मानव बिक्री र ओसारपसारको घटनामा कमी आएको थियो । विशेषगरी घ्याङ्फेदी, उर्लेनी, बेतिनी, गाउँखर्क, राउतवेंसी, शिखरवेंसी, सुन्दरादेवी, समुन्द्रटार, बालकुमारीलगायतका गाउँ विकास समितिबाट महिला तथा बालिका बिक्री हुँदै आएका छन् ।

भूकम्पअघि फाट्टफुट्ट हुनेगरेको महिला बिक्रीको घटना पछिल्लो चार महिनादेखि ह्वात्तै बढेको छ । ग्रामीण भेगका महिलालाई रोजगारी र सम्पत्तिको आकर्षण देखाएर दलालले भारतको यौनबजारमा लगेर बिक्री गर्ने गरेको मानव बिक्रीविरुद्धको अभियानमा सक्रिय व्यक्ति तथा सङ्घसंस्थाले जनाएका छन् ।भूकम्पपछि विदुर नगरपालिकाभित्रबाट पनि बालिका हराउन थालेका छन् । उनीहरु पनि दलालको फन्दामा परेर भारतको यौन बजारमा बेचिएको अनुमान गरिएको छ । रासस