• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक ★   विश्वकै लामो फिल्म, जसलाई हेर्न ३ दिन बढी समय लाग्ने ★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसँग प्रशासन-प्रहरीको हिमचिम अन्त्य हुनैपर्छ

जनतासामु जाँदा शिर ठाडो बनाएर हिँड्नसक्ने काम गर्नुपर्छ’ – मुख्यसचिव



काठमाडौँ, भदौ १८। सरकारका मुख्यसचिव, सचिव, निजामती कर्मचारी प्रशासन विज्ञले जनता र सरकारले देखेको देशको समृद्धिको सपना पूरा गर्ने दायित्व कर्मचारीको भएको बताउनुभएको छ ।

बाह्रौ निजामती सेवा दिवसको सन्दर्भमा ‘ब्युरो ८१ नेपाल’द्वारा आज यहाँ आयोजित अन्तक्र्रिया कार्यक्रमका अधिकांश वक्ताले कर्मचारीतन्त्र देशको स्थायी सरकार भएकाले निष्पक्ष भएर जनताका काम सम्पादन गर्न सुझाव दिनुभएको थियो ।

मुख्यसचिव डा सोमलाल सुवेदीले कर्मचारीतन्त्रमा राजनीतिकरणले प्रश्रय पाएकाले जनताका काम छिटोछरितो रुपले हुन नसकेको गुनासो आउने गरेको बताउनुभयो ।

मुख्यसचिव सुवेदीले कर्मचारीमा सजिलो काम सबैले गर्ने अप्ठ्यारो काम पन्छाउने प्रवृत्ति हाबी भएको र त्यो जनताले नियालिरहेको बताउँदै भन्नुभयो, “तपाइँहरु जनतासामु जाँदा शिर ठाडो बनाएर हिँड्न सक्ने काम गर्नुहोस् ।”

सामान्य प्रशासन मन्त्रालयका सचिव टङ्कमणि शर्मा, वाणिज्य तथा आपूर्ति मन्त्रालयका सचिव ङइन्द्रप्रसाद उपाध्याय र सङ्घीय मामला तथा स्थानीय विकास मन्त्रालयका सचिव माधव रेग्मीले ‘राज्यको सुविधा लिएबापत जनतालाई राम्रो सेवा दिन सकूँ’ भन्ने भावना राखेर काम गर्न कर्मचारीलाई आग्रह गर्नुभयो ।

जनप्रशासन क्याम्पसका प्रा डा श्रीकृष्ण श्रेष्ठले निजामती सेवाबारे कार्यपत्र प्रस्तुत गर्नुभएको थियो भने पूर्वसचिव प्रतापकुमार पाठकले टिप्पणी गर्नुभएको थियो ।

‘ब्युरो ८१ नेपालका अध्यक्ष किशोरजङ्ग कार्कीले देशको सार्वजनिक प्रशासनमा सहयोग गर्ने संस्थाको उद्देश्य रहेको बताउनुभयो । रासस