• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन

कैलालीमा २४ घण्टे कर्फ्यु, बाँके र वीरगञ्जमा कर्फ्यु घट्यो



काठमाडौं भदौ १९ । संघीयताको सिमाङ्कनको विषयमा असन्तुष्ट पक्षकोे शनिवार पनि आन्दोलन जारी राखे ।
स्थितिलाई नियन्त्रणमा लिन स्थानीय प्रशासनले कतै कर्फ्युको समय बढाएको छ भने कतै निधेषाज्ञा जारी गरेको छ ।
कैलालीको टिकापुरमा शनिवारदेखि फेरि चौबीसै घण्टा कफ्र्यू आदेश जारी भएको छ । धनगढीमा भने दिउँसो १२ बजेबाट ४ बजेसम्म मात्र  कर्फ्यु लगाइएको छ । टीकापुरमा शुक्रबार भने विहान ७ बजेदेखि ११ बजेसम्म कफ्र्यू खोलिएको थियो । दुबै ठाउँमा निषेधाज्ञा भने कायमै छ । कैलालीको बन्द ३३ दिन पुगेको छ भने कफ्र्यू लगाइएको १३ दिन भएको छ । त्यस्तै टिकापुरमा निषेधाज्ञा जारी गरिएको १५ दिन पुगेको छ ।
यसैबीच, ढुंगा प्रहारबाट मोटर साइकल यात्रीको निधन भएपछि बाँके जिल्ला प्रशासनले नेपालगन्जमा लगाएको निषेधाज्ञा जारी छ । गएराति ९ बजेदेखि प्रशासनले नेपालगन्ज उप–महानगरपालिकाका अधिकांश स्थानमा निषेधाज्ञा जारी गरेको हो । उप–महानगरपालिकाको राँझा चोकदेखि दक्षिण जमुनाहासम्म, पूर्वमा फुल्टेक्रादेखि पश्चिममा नन्दनी मिलसम्म निषेधाज्ञा लगाइएको हो ।
वीरगन्जमा भने विहान ९ बजेदेखि २ बजेसम्मका लागि  कर्फ्यु खुला गरिएको छ । स्थानीय प्रशासनले सर्वसाधारणको दैनिकी सहज बनाउन भन्दै ९ देखि २ बजेसम्मका लागि कफ्र्यु हटाइएको जनाएको छ । यसअघि १२ बजेसम्म मात्र कफ्र्यु हटाइने भनिएको थियो । तर प्रहरीको गोली लागि सोमबार मृत्यु भएकाहरुका परिवारजन र प्रशासनबीच भएको वार्ता सहमतिमा पुगेपछि थप दुई घण्टाका लागि  कर्फ्यु हटाउने निर्णय भएको हो ।
सोमबार प्रहरीले चलाएको गोली लागि मृत्यु भएका पाँचै जनाको आज सामूहिक अन्त्येष्टि गरिएको छ । उनीहरुको शवयात्रासहित सामूहिक अन्त्येष्टि गरिएको हो ।

पूर्व बन्द भने फिर्ता

संघीय लिम्बुवान पार्टी नेपालले आह्वान गरेको अनिश्चितकालीन पूर्व बन्द भने फिर्ता भएको छ । बन्द घोषणा गरेको दोस्रो दिन शनिवार झापाको विर्तामोडमा नेपाली काँग्रेस, नेकपा एमाले, एकीकृत माओवादी, संघीय लिम्बुवान पार्टी र नेपाल पत्रकार महासंघ झापाबीचको वार्ता सहमतिमा टुंगिएपछि बन्द फिर्ता भएको हो । सहमतिसँगै स्थानीय प्रशासनले बन्दका क्रममा पक्राउ परेका लिम्बुवान पार्टीका पाँच जना कार्यकर्ता रिहा गरेको छ । पक्राउ परेका आफ्ना कार्यकर्ता रिहाइको माग गर्दै संघीय लिम्वुवान पार्टी नेपालले हिजोबाट पूर्वका ९ जिल्ला बन्द आह्वान गर्दै आएको थियो । बन्द फिर्ता लिएसँगै पाँचथर, इलाम, ताप्लेजुङ, झापा, ते¥हथुम, धनकुटा, संखुवासभा, भोजपुरलगायत जिल्लाको जनजीवन सामान्य बनेको छ ।