• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित

तराईका चरा संकटमा



काठमाडौं, भदौ २० । खेतबारीमा विषादीको बढ्दो प्रयोग र चोरी सिकारीका कारण तराईमा पाइने चरा संकटमा परेको पाइएको छ । सिमसार तथा घाँसे भूमिको कमी र जनसंख्या वृद्धिका कारण कोलाहलपूर्ण वातावरणले तराईमा पाइने धेरै जातका चरा संकटमा परेको एक प्रतिवेदनले देखाएको छ ।
राष्ट्रिय निकुञ्ज तथा वन्यजन्तु संरक्षण विभाग र नेपाल पक्षी संरक्षण संघले संकलन गरी सर्वजनिक गरेको प्रतिवेदनअनुसार नेपालमा हाल एक सय ४९ प्रजातिका चराचुरुंगी संकटापन्न सूचीमा परेको खबर आइतबारको नयाँ पत्रिकामा समाचार छ ।
बासस्थान विनाशकै कारण ८४ प्रतिशत अर्थात् एक सय २८ प्रजातिका चरा संकटापन्न भएको पक्षी संरक्षण संघले जनाएको छ । बाँकी चरा विषादीको प्रयोग र चोरी सिकारीका कारण संकटमा परेको हिमालय नेचरका अध्यक्ष तथा वरिष्ठ चराविद् डा. हेमसागर बरालको भनाइ छ । उनले तराईपछि पहाड र हिमाली क्षेत्रमा पाइने चरा पनि संकटापन्न अवस्थामा रहेको बताए ।
नेपाल पक्षी संरक्षण संघका अनुसार नेपालमा कुल आठ सय ७१ प्रजातिका चरा पाइन्छ । त्यसमध्ये ६ सय ५० प्रजातिका चरा सधैँ नेपालमै बस्ने गर्दछन् । एक सय ५० प्रजातिका चरा हिउँदे र ६५ प्रजातिका चरा गर्मीमा बसाइसराइँ गरी नेपाल आउने आगन्तुक चरा हुन् ।
चराहरूको अस्तित्व संकटमा पर्नुको मुख्य कारण ‘डाइक्लोफेनिन औषधिको प्रयोग, बालीनालीमा विषादीको बढ्दो प्रयोग र वन विनाश नै मुख्य कारण भएको संघले जनाएको छ ।