• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

भूकम्प र पहिरो पीडितको राहत सामग्री सड्न थाल्यो



म्याग्दी भदौ २३ । म्याग्दीका भूकम्प र पहिरो पीडितका लागि भित्रिएको राहत सामग्री वितरण नहुँदा सड्न थालेको छ ।

जिल्ला विकास समिति र जिल्ला प्रशासन कार्यालयको गोदाममा राखिएको कतिपय खाद्य सामग्रीको म्याद सकिन थालेको छ ।

भूकम्प पीडित र बैँसरीका पहिरो पीडितका लागि भनेर जिल्ला विपद् व्यवस्थापन समितिलाई गत जेठमा भैरहवास्थित सरकारी गोदामबाट दुई ट्रक राहत सामग्री प्राप्त भएको थियो । चामल, मैदा, बिस्कुट, दाल लगायतका खाद्यान्न तथा पाल, कम्बलजस्ता सामग्री गोदाममा थन्किएका छन् । भूकम्प पीडितको विवरण सङ्कलन गर्न र वर्षाका कारण ग्रामीण सडक अवरुद्ध हुँदा राहत सामग्री ढुवानी गरी वितरण गर्न नसकिएको प्रमुख जिल्ला अधिकारी सागरमणि पाठकले बताउनुभयो । गाविस सचिवमार्फत सङ्कलन गरिएको भूकम्प पीडितको विवरण वास्तविक नभएपछि परिचयपत्र वितरणमा ढिलाइ भएको हो ।

बाबियाचौर र अर्मन गाविसबाट प्राप्त भएको विवरणमा गाविसको अधिकांश घरधुरी भूकम्प पीडित भएको देखिएपछि प्रजिअको नेतृत्वमा गत हप्ता अनुगमन गर्दा गाविसको सिफारिसभन्दा फरक अवस्था पाइएको छ । अहिले दुई गाविसबाहेक नगरपालिकाका सबै वडा र गाविसमा भूकम्प पीडितको परिचयपत्र वितरणको काम भइरहेको छ । परिचयपत्र वितरण भइसकेपछि असोज १५ गतेभित्र पूर्ण क्षति भएकालाई राहत सामग्री उपलब्ध गराउने प्रजिअ पाठकले बताउनुभयो । म्याग्दीमा पूर्ण क्षति भएका भूकम्प पीडितको सङ्ख्या दुई सय छ ।

यसैगरी गत जेठ १० गते राम्चे–९ काफलडाँडाबाट खसेको पहिराले पूरै बस्ती पुरिएपछि घरबारविहीन भएका बैँसरीका पहिरो पीडितले पनि सरकारी राहत पाउन सकेका छैनन् । आपूmहरुका लागि प्राप्त भएको राहत सामग्री गोदाममा सडेर नष्ट हुने अवस्थामा पुग्दासमेत वितरणमा बेवास्ता भएको पहिरो पीडितको गुनासो छ । रासस