• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   कानुनका कुरा : प्रहरीले पक्राउ गर्यो, अब के गर्ने ? ★   घुमघामको गन्तव्य टौदह: काठमाडौं उपत्यकाकै सबैभन्दा ठूलो प्राकृतिक ताल-फोटो फिचर ★   विस्तारित स्वास्थ्य सेवामा पहुँच बढाउन अमेरिकाद्वारा करिब १६ करोड रुपैयाँको धनुषा प्रसूति केन्द्रको हस्तान्तरण ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छ: पूर्वराष्ट्रपति भण्डारी ★   चैत २३ र २४ गते लुम्बिनीमा अन्तर्राष्ट्रिय शान्ति मेला ★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा

सर्वोच्चद्धारा चार दलबीच भएको १६ बुँदे सहमतिको प्रमाण माग



काठमाडौं, भदौ २४ । सर्वोच्च अदालतले दलहरूबीच भएको १६ बुँदे राजनीतिक सहमति संविधानसभाभित्र प्रवेश गराउने आधार खोज्दै त्यसको प्रमाण उपलब्ध गराइदिन सरकारका नाममा आदेश जारी गरेको छ ।

दलहरूबीच भएको सहमति रोक्न दायर रिटमा दोस्रो सुनुवाइ गर्दै प्रधानन्यायाधीश कल्याण श्रेष्ठ र न्यायाधीश ओमप्रकाश मिश्रको इजलासले बुधबार यस्तो आदेश जारी गरेको हो ।

‘चार राजनीतिक दलबीच भएको सहमति संविधानसभाको तत्वावधानमा वा के–कस्तो तरिकाबाट भएको हो, सो कुरा खुल्ने सम्बन्धित बैठकको निर्णयसहितको सक्कल पुस्तिका उपलब्ध गराइदिनू,’ सर्वोच्चको आदेशमा भनिएको छ ।

सर्वोच्चले महान्यायाधिवक्ताको कार्यालयमार्फत संविधानसभामा प्रवेश भएको उक्त सहमतिको निर्णयपुस्तिका सक्कलै अदालतमा पेस गर्न भनेको समाचार आजको नागरिक दैनिकमा छापिएको छ ।

यसअघि न्यायाधीश गिरीशचन्द्र लालको एकल इजलासले असार ४ गते १६ बुँदे सहमतिका केही बुँदा अन्तरिम संविधानविपरीत रहेको भन्दै तत्काल कार्यान्वयन नगर्न अन्तरिम आदेश जारी गरेको थियो ।

त्यसलगत्तै बसेको दलहरूको बैठकले संविधान निर्माणप्रक्रिया नरोक्ने निर्णय गरेका थिए । ‘संविधानसभाको काम अदालतको निर्णयअनुसार नहुने’ भन्दै आएका दलहरू अन्ततः अदालतको आदेशअनुसार नै प्रदेश सीमांकनमा लागेका थिए । सुरुमा ६ प्रदेशमा सहमत भएका दलहरुले आन्दोलनपछि ७ प्रदेशमा सहमति गरेका थिए ।

दलहरूबीचको सहमति अवैधानिक भएकाले खारेज हुनुपर्ने माग गर्दै पूर्वराजदूत विजयकान्त कर्ण र रक्षाराम हरिचनले सर्वोच्चमा रिट दायर गरेका थिए । कांग्रेस, एमाले, एमाओवादी र फोरम लोकतान्त्रिकले हस्ताक्षर गरेको उक्त सहमतिमा संघीय आयोग गठन गरी त्यसको प्रतिवेदनका आधारमा व्यवस्थापिका संसदको दुई तिहाइ बहुमतले प्रदेश सीमांकनको अन्तिम निर्णय गर्ने भनिएको थियो । यो बुँदा अन्तरिम संविधानको व्यवस्थाविपरीत रहेको जिकिर रिटमा गरिएको छ ।




भर्खरै