• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना

मातृभाषा पाठ्यक्रम प्रभावकारी हुन सकेन



पाँचथर, भदौ २४ । । जिल्लामा लागू गरिएको मातृभाषा पाठ्यक्रम प्रभावकारी हुन नसकेको पाइएको छ । हाल जिल्लामा तीनवटा मातृभाषामा पठनपाठन हुने गरेको जिल्ला शिक्षा कार्यालयले जनाएको छ ।

कार्यालयका शाखा अधिकृत युगमणि सवेहाङ भन्छन्, ‘यस पाठ्यक्रमका लागि भिन्नै शिक्षक दरबन्दी नभएकाले पनि समस्या भएको हो, नागरिकले चाहेमा मातृभाषा पढ्न पाउने प्रावधान रहेकाले उनीहरुको आवश्यकता र मागअनुसार मातृभाषाका पाठ्यक्रम लागू गर्दै आएको छ ।’

सबै भाषाभाषीका विद्यार्थीले मातृभाषामा पढ्न पाउनु उनीहरुको अधिकार भएको भन्दै सवेहाङले मातृभाषा पाठ्यक्रम लागू गर्ने विषयमा पनि समुदायका अभिभावकबीच विवाद हुने गरेको बताए । यसले गर्दा जिल्लाका केही विद्यालयमा सञ्चालन रहेका मातृभाषाका पाठ्यक्रम रोकिने गरेको पनि उनको भनाइ छ ।

सबैभन्दा बढी लिम्बू भाषाको आनिपान जिल्लाका ७१ वटा विद्यालयमा राई भाषाको पाठ्यक्रम ६ र सबैभन्दा कम तामाङ भाषाको पाठ्यक्रम भने एउटा विद्यालयमा पढाइ भएको शाखा अधिकृत सवेहाङले जानकारी दिए । जिल्लामा अन्य मातृभाषी समुदाय भए पनि उनीहरुबाट पाठ्यक्रमको माग नआएकाले ती पाठ्यक्रम प्रयोगमा आउन नसकेका सवेहाङको भनाइ छ ।

प्रत्येक वर्षको शैक्षिकसत्रमा विद्यालयले मातृभाषाको पाठ्यक्रम लागू गर्ने र लागू भएका पाठ्यक्रम अभिभावकबीचको विवाद र विद्यालयको व्यवस्थापकीय पक्षको समस्याका कारण पठन बन्द हुने गरेकाले यो वर्ष जिल्लाका कति वटा विद्यालयमा मातृभाषा पाठ्यक्रम लागू भइरहेका छन् भन्ने यकिन तथ्यांक कार्यालयसँग नभएको भन्दै उनले तत्कालै स्रोतव्यक्तिमार्फत तथ्यांक संकलन गरिने बताए । रासस