• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

एप्पलको आइफोन–६ एस र आइफोन–६ एस प्लस सार्वजनिक, यस्ता छन् विशेषता



काठमाडौं, भदौ २४ । एप्पलले ‘आइफोन–६ एस’ र ‘आइफोन–६ एस प्लस’ लन्ज गरेको छ ।

कम्पनीले अमेरिकाको सन फ्रान्सिस्कोमा एक विशेष कार्यक्रम गरी यी दुईसँगै १२.९ इन्चको आइप्याड ‘प्रो’ र एप्पल टीभी पनि सार्वजनिक गरेको हो ।

आइफोन–६ एस र आइफोन–६ एस प्लसमा ‘थ्रीडी टच’ नामक फिचर छ । जसले स्क्रिनमा कति दबाब पारिएको छ भन्ने जानकारी दिन्छ ।

यसको मुख्य क्यामेरा १२ मेगापिक्सल र फ्रन्ट क्यामेरा ५ मिगापिक्सलको रहेको छ ।

आइफोन–६ एसमा ४ हजार भिडियो रेकर्ड गर्न सकिन्छ । ६ एसको डिस्प्ले ४.७ इन्च र ६ एस प्लसको डिस्प्ले ५.५ इन्च छ ।

कम्पनीले चार रंग सिल्भर, गोल्ड, स्पेस ग्रे र रोज गोल्डको आइफोन बजारमा ल्याएको छ । यसको मूल्यको बारेमा भने आधिकारीक जानकारी दिइएको छैन ।

ठूलो आइप्याड पनि सार्वजनिक
एप्पलले ल्याएको आइप्याड ‘प्रो’को डिसप्ले १२.९ इन्चको रहेको छ, जुन उसको पछिल्लो सबै मोडलको भन्दा ठूलो हो ।

कम्पनीका अनुसार यो नोभेम्बरबाट बजारमा आउने छ । यो एक पटक चार्ज गरेपछि १० घन्टा ब्याकअप दिन्छ । यसको तौल ७१२ ग्राम रहेको छ ।

एप्पलको टीभी पनि आयो
एप्पलको टीभीमा एप्स पनि हुनेछ । यसको आफ्नै ऐप स्टोर र अपरेटिङ सिस्टम पनि हुनेछ ।

यसलाई चलाउन कम्पनीले एक विशेष किसिमको रिमोट बनाएको छ, जुन ‘टस सेन्सेटिभ’ हुनेछ र जसमा माइक्रोफोन पनि हुनेछ, जसले तपाइँको आवाजबाट पनि टीभीले काम गर्नेछ ।

आइफोनमा रहेको ‘सीरी’ नामक ‘भर्चुअल असिस्टेन्ट’ यस टीभीमा राखिएको छ । जसले तपाइँको इच्छाअनुसार फिल्म, टेलिश्रृंखला र भिडियो गेम चलाउँछ ।