• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ? ★   शौचालयमा मृत भेटिइन् डा प्रतिभा

जुम्ली प्राङ्गारिक स्याउ काठमाडौँ भित्रियो



काठमाडौ, पुस २४ । यस वर्ष भदौ महिनाको दोस्रो साताभित्र १२ मेट्रिक टन जुम्ली प्राङ्गारिक स्याउ काठमाडौँमा भित्रिएको छ ।

जुम्लाका स्याउ व्यापारीहरुले अहिले काठमाडौँका कलङ्की, बल्खु बागबजार, बालाजु र सिंहदरबार अगाडिका गेटलगायतका स्थानमा प्रतिकिलो रु १०० देखि रु १२० मा बिक्री वितरण गरिरहेका छन् ।

अर्गानिक स्याउका नामले परिचित रोयल, रेड, गोल्डेन डेलिसियस जातका स्याउ काठमाडौँमा बिक्री गर्दा केही हदसम्म खर्च उठे पनि भनेजस्तो कमाइ हुन नसकेको हाँकु– २ जुम्लाका स्याउ व्यापारी पदम खत्रीले बताउनुभयो ।

व्यापारी खत्रीले जुम्लाबाट चार दिनभित्र काठमाडौँ ल्याउन सकिने स्याउ बन्दका कारण ११ दिनसम्म नेपालगन्जमा रोकिँदा सोचेको जस्तो उपलब्धि नभएको बताउनुभयो । जिल्ला कृषि विकास कार्यालयका कृषि प्रसार अधिकृत धनबहादुर कठायतका अनुसार १२० जना जुम्लाका व्यापारीले ‘ए’ र ‘बी’ ग्रेडका ६५१ मेट्रिक टन स्याउ निर्यात गरेका छन् ।

निर्यात गरिएका प्राङ्गारिक स्याउ व्यापारीले काठमाडौँ, पोखरा, नारायणगढ, बुटवल, दाङ, नेपालगन्ज, धनगढी, सुर्खेत र दैलेख पु¥याएको उहाँले जानकारी दिनुभयो ।

जुम्ला कुडारी– १ का स्थानीय स्याउ व्यापारी विमल भट्टराईले नेपालगन्जमा आफूले प्रतिकिलो रु ६५ मा बेचेको स्याउ बुटवलमा रु ८० र काठमाडौँमा रु १२० मा बिक्री गरेको बताउनुभयो । राम्रै फाइदा हुने आशा राखेका भट्टराईले गत वर्षभन्दा यस वर्ष जुम्लाको अर्गानिक स्याउ किन्नेहरु आकर्षित भएको बताउनुभयो ।

जुम्लामा रु ३५ देखि रु ४० परेको ‘ए’ र ‘बी’ ग्रेडका स्याउहरु दैलेखमा प्रतिकिलो रु ५५, सुर्खेतमा रु ६०, नारायणगढ, बुटवल, पोखरालगायतका बजारमा रु ८० देखि रु ८५ मा बिक्री हुँदै आएको छ । गत वर्ष पाँच हजार ५०० मेट्रिक टन स्याउ निर्यात गरेको जुम्लाले यस वर्ष पाँच हजार १०० मेट्रिक टनसम्म निर्यात हुनसक्ने जिल्ला कृषि कार्यालयले जनाएको छ । रासस