• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू

आमाबाबुले छाड्दा तीन छोरीको विचल्ली



जाजरकोट, भदौ २५ । जाजरकोटको भुर गाविस–२ पोख्राका मनवीर विकका तीन छोरीको विचल्ली भएको छ ।

आमाबाबुले छोरीहरुको बेवास्ता गर्दा विचल्ली परेको ठूला बाबु देवबहादुर विकले बताएका छन् । नौ वर्षीया छाया विक, चार वर्षीया शारदा विक र दुई वर्षीया सुमित्रा विककी आमा चन्द्रकला र बाबु मनवीर विकले वास्ता नगर्दा पढ्न लेख्नबाट वञ्चित हुनुका साथै आमाबाबुको मायाबाट वन्चित भएका छन् ।

आमाबाबु भारत गएको ती बालिकालाई थाहा छ, अरु केही पनि थाहा नभएको छाया विकले बताइन् । आर्थिक अवस्था कमजोर भएका कारण उनीहरु भारत गएर आफूहरु पालिने छोरीहरुलाई माइती र ठूलो बाबुकहाँ छाड्ने गरेका छन् । मावली पक्षको आर्थिक अवस्था कमजोर भएका कारण उनीहरु विद्यालय जान नपाएको स्थानीयवासीले बताएका छन् ।

छाया ठूलो बाबु देवबहादुरसँग बस्ने गरेको भए पनि आर्थिक अवस्था कमजोर भएका कारण उनीहरुलाई विद्यालय पठाउन नसकेको देववहादुरले बताएका छन् ।

सबै साथी विद्यालय जाँदा आफूलाई पनि जान मन लागे पनि कापी, कलम र झोला किन्ने पैसा कसैले नदिँदा विद्यालय जान नपाएको छायाले पीडा सुनाएकी छन् ।

भारत जाने र आउने अनि दुई चार दिनमात्र बस्ने मनवीर दम्पतीले छोरीहरुलाई कहिल्यै पनि वास्ता नगरेको मावली पक्षले बताएका छन् । अर्काको सहारामा बाँचेका यी बालिकाहरु माटो खेल्ने, जुठा भाँडा माझ्ने काम गरिरहेको स्थानीयवासीले बताएका छन् ।

अहिले सात वर्षदेखि उनीहरु घरमा आएर बसेका छैनन् । छोरीहरु दुई वर्षको हुनासाथ अर्काको जिम्मा लगाएर भारत जाने र आफूमात्र पालिने गरेका छन् । रासस