• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

दरबारमार्गको केएफसी फेरि खुल्यो



काठमाडौं, भदौ २६ । वैशाखदेखि अनिश्चितकालका लागि बन्द बहुराष्ट्रिय कम्पनी केन्टुकी फ्राइड चिकेन (केएफसी) को नेपालस्थित बिक्री केन्द्र खुलेको छ । मजदुर–व्यवस्थापनबीचको विवादले बन्द केएफसी शुक्रबारदेखि पुनः सञ्चालनमा आएको हो ।

केएफसीका व्यवस्थापक देवयाणी इन्टरनेसनल नेपाल प्रालिका निर्देशक रोहित कोलीले केएफसी पुनः सञ्चालनमा ल्याउन पाउँदा उत्साहित भएको बताए । उनले केएफसीको ब्लुबर्ड मलस्थित बिक्री केन्द्र पनि दुई साताभित्रै सञ्चालनमा ल्याइसक्ने जानकारी दिए ।

‘अब केएफसी नियमित रूपमा सञ्चालनमा आइसकेको छ । बिहान ११ बजेदेखि राति ११ बजेसम्म केफएसी खुला रहन्छ,’ कोलीले भने, ‘जे विवाद थियो, त्यो समाधान भइसकेको छ । केएफसी पुनः सञ्चालनमा आउँदा व्यवस्थापनका साथै कर्मचारीसमेत खुसी छन् ।’

व्यवस्थापनले मजदुर तथा कर्मचारीबाट सुरक्षा खतरा भएको भन्दै दरबारमार्गस्थित केएफसी र पिज्जाहट तथा ब्लुबर्ड मलस्थित केएफसी र पिएचडी रेस्टुराँ ३० वैशाखदेखि अनिश्चितकालका लागि बन्द गरेको थियो । बन्द भएको झन्डै साढे चार महिनापछि केएफसी पुनः सञ्चालनमा आएको हो । पिज्जाहट र पिएचडी भने सधैँका लागि बन्द गरिएको कोलीले जानकारी दिए ।

व्यवस्थापनले श्रम कार्यालयबाट कर्मचारी कटौतीको स्वीकृतिसमेत लिइसकेको समाचार आजको नयाँ पत्रिका दैनिकमा छापिएको छ ।

सोहीअनुसार पिज्जाहट र पिएचडी बन्द हुँदा कर्मचारीसमेत कटौती गरिएको छ । तर, के–कति कर्मचारी कटौती गरिएको भन्ने व्यवस्थापनले जानकारी दिएको छैन । यसअघि केएफसी, पिज्जाहट र पिएचडीमा गरी एक सय ५६ जना कर्मचारी कार्यरत थिए ।

व्यवस्थापनले पोखरामा समेत केएफसीको चेन सञ्चालनमा ल्याउनेबारे गृहकार्य थालेको छ । ‘पोखरामा पनि केएफसीको चेन खोल्नेबारे व्यवस्थापनले सोचिरहेको छ,’ निर्देशक कोलीले भने, ‘उपयुक्त समय आएपछि केएफसी पोखरामा पुग्नेछ ।’

अमेरिकी ब्रान्ड केएफसी सन् २००९ को अक्टोबरदेखि काठमाडौंको दरबारमार्गमा सञ्चालनमा आएको हो ।