• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक ★   विश्वकै लामो फिल्म, जसलाई हेर्न ३ दिन बढी समय लाग्ने ★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसँग प्रशासन-प्रहरीको हिमचिम अन्त्य हुनैपर्छ ★   देशको अर्थतन्त्र गत वर्षजस्तो सङ्कटमा छैन: प्रधानमन्त्री दाहाल ★   आयरल्याण्ड ‘ए’ ले नेपाल ‘ए’ लाई दियो २२३ रनको विशाल लक्ष्य

थारू गाउँ अभिभावकविहीन



काठमाडौं, भदौ २६ । टीकापुर घटनापछि थारू गाउँका अगुवाका रूपमा चिनिने बडघरहरू त्रसित बनेका छन् । भदौ ७ गतेको आन्दोलनमा गाउँलेलाई बोलाउने काम बडघरहरूले गरेको कुरा बाहिर आएपछि प्रहरीले धरपकड गर्ने डरले उनीहरू त्रसित बनेका छन् । अधिकांश बडघर घरमा भेटिँदैनन् । उनीहरू पलायन भएपछि गाउँ अभिभावकविहीनजस्तै बनेका छन् ।

धनसिंहपुर ४ झुंगाका बडघर धनबहादुर चौधरीले आफूहरूलाई पक्राउ गर्ने हल्लाले केही दिन निदाउन नसकेको बताए । ‘गाउँमा सुरक्षाकर्मीको गाडी आउँदा डर लाग्छ, केही दिन घरमै बसिनँ,’ उनले भने । उनी अहिले आफूले गलत नगरेको भन्दै घरमै बसेका छन् ।

छिमेकी गाउँ बौनियाका बडघर रामबहादुर चौधरीको घरमा मध्यरातमा सादा पोसाकमा आएका प्रहरीले आफूलाई नभेटेपछि भाइलाई लगेको उनले बताए ।

जोशीपुर गाविसको लक्कड गाउँका बडघर रामप्रसाद चौधरीको घरमा नयाँ व्यक्ति जाँदा परिवार पूरै त्रसित हुन्छ । उनी कता गएर बस्छन् भन्ने कसैलाई छैन । नवलपुर गाउँका बडघर ईश्वरीप्रसाद चौधरी पनि घरमा नबस्ने गरेको गाउँलेले बताएको समाचार आजको कान्तिपुर दैनिकमा छापिएको छ ।

भदौ १३ मा भजनीबाट आएको सुरक्षाकर्मीको टोलीले सद्भाव कायम गर्ने भनेर गाउँका बडघरसहित सबैलाई जम्मा गरेर छलफल गरेको थियो । त्यही राति गाउँमा आएर ३ जनालाई पक्राउ गरेपछि त्रसित भएको स्थानीय बताउँछन् ।

माघीमा छानिने बडघर वर्षभरिका लागि गाउँको मुखियाजस्तै हुन्छन् । गाउँमा सामूहिक रमाइलो गर्ने वा सुखदुस्खका अन्य काममा बडघरको महत्वपूर्ण भूमिका रहन्छ ।

सीमा नाकाको इन्ट्रिपोस्ट खाली    
नेपाल–भारत सीमामा पर्ने खक्रौला नाकामा रहेको प्रहरीले चेकजाँच इन्ट्रिपोस्ट खाली रहेको छ । टीकापुर घटनापछि उक्त इन्ट्रिपोस्टमा कुनै चेकजाँच नहुने स्थानीयले बताए ।