• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

यमनी विद्रोहीको रकेट आक्रमणबाट २० जनाको मृत्यु



काठमाडौं, भदौ २५ । इरान पक्षधर यमनी विद्रोहीद्वारा पूर्वी यमनको मारिव नामक एक व्यस्त सहरमा गरिएको रकेट आक्रमणमा परी शुक्रबार कम्तिमा २० जना यमनी नागरिकको मृत्यु भएको त्यहाँस्थित चिकित्सक एवं प्रत्यक्षदर्शीले जनाएका छन् ।

कात्युसा नामक त्यो रकेटको आक्रमणमा परी बीस जना यमनी नागरिकको मृत्यु भएको छ भने दर्जनौं मानिस घाइते भएका चिकित्सकले बताएका छन् । प्रत्यक्षदर्शीका अनुसार विद्रोहीले मारीव प्रान्तीय राजधानीलाई निशाना बनाई आक्रमण गरेका थिए ।

विद्रोहीले साउदी अरबले नेतृत्व गरेको फौजले मारिव प्रान्तमा हेलिकप्टर प्रयोग गरी गरेको आक्रमणमा सात जना हुठी सिया विद्रोही तथा उनीहरूका सहयोगीको मृत्यु भएको केही घण्टापछि सरकारी फौजविरुद्ध हवाई आक्रमण गरेका बताइएको छ ।

अरब नेतृत्वको संयुक्त फौजले मारिब प्रान्तमा विद्रोही सेनाले प्रयोग गरेको एउटा गाडीे तथा यसको छिमेकी प्रान्त शवामा विद्रोही सेनाको आश्रयस्थललाई निशाना बनाएको सरकारी सैनिक स्रोतले जनाएको छ ।संयुक्त राष्ट्रसङ्घका अनुसार यमनको द्वन्द्वका कारण गएको मार्चदेखि अहिलेसम्म करिब ४,५०० मानिसको मृत्यु भएको छ । (एजेन्सी)