• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल

ग्यास सिलिण्डर पड्किदा भारतमा २० को मृत्यु



नयाँ दिल्ली, भदौ २६ । भारतको मध्यप्रदेशको एक रेष्टुरेन्टमा शनिबार बिहानै भएको ग्यास सिलिण्डर विस्फोटमा परी कम्तीमा पनि २० जनाको ज्यान गएको छ ।
भारतीय प्रान्त मध्यप्रदेशको झबुवा जिल्लामा रहेको सो रेष्टुरेन्टमा बिहानै ग्यास सिलिन्डर पड्किएको र त्यसमा परी २० जनाको ज्यान गएको छ ।
त्यसमा परी अरु २५ जना गम्भीर रुपमा घाइते भएका समाचारमा जनाइएको छ । सो रेष्टुरेन्टमा बिहानको खाजा खाइरहेका बेला सो दुर्घटना भएको बताइएको छ ।
सो रेष्टुरेन्टमा शनिबार बिहान करिब साढे आठ बजेतिर कार्यालय सहयोगीका साथै विद्यालयका छात्रछात्राहरुले खाजा खाइरहेका बेला सो विस्फोट भएको थियो ।
विस्फोटमा परी मारिनेमा बिहानै २० जना पुगेका थिए तर शनिबार दिनभरमा यो सङ्ख्या बढ्न पनि सक्छ– सो जिल्लाका एकजना वरिष्ठ प्रहरी अधिकारी सिमा अलाभाले जानकारी दिए ।
सो रेष्टुरेन्ट स्थानीयहरुबीच निकै लोकप्रिय रहेको र बिहानैदेखि खाजाका लागि ठूलो भीडभाड लागेको थियो । सोही कारण पनि मारिनेको सङ्ख्या धेरै भएको उनले बताए । उनले भने,– नागरिक धेरै जना र गम्भीर रुपमा घाइते छन् त्यसैले पनि मृत्यु हुनेको सङ्ख्या यतिधेरै पुगेको हो र मृत्यु हुने अरु बढ्न पनि सक्छन् ।
विस्फोट भएको ग्यासको सिलिन्डरले उक्त रेष्टुरेन्टलाई पूर्ण रुपमा क्षति पु¥याई छिमेकी घरमा समेत पुगेर उक्त घरलाई पनि क्षति पु-याएको प्रहरीले जनाएको छ ।
भारतमा यसरी घर घरमा खाना पकाउन प्रयोग हुने ग्यासका सिलिन्डरहरु पड्किने समस्या सामान्यजस्तै भएको छ । तर यस्ता दुर्घटनाहरु बढिरहदा पनि सुरक्षाका मापदण्ड भने सुधार नगरिएको बताइन्छ । रासस/एएफपी