• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला

आतङ्कवादकाविरुद्ध लागौं : अमेरिकी राष्ट्रपति ओबामा



वासिङ्गटन,  भदौ २६। अमेरिकी राष्ट्रपति बाराक ओबामाले अमेरिकी नागरिकलाई आतङ्कवादका विरुद्धमा सतर्क भएर बस्न आग्रह गरेका छन् ।

चौध वर्ष अघि सेप्टेम्बर ११ का दिन संयुक्त राज्य अमेरिकामा भएको आतङ्कवादी हमलाको स्मरणमा शुक्रबार आयोजित कार्यक्रममा उनले सबै अमेरिकी नागरिकलाई सो आग्रह गरेका हुन् ।
हुनत अमेरिकी सुरक्षा प्रणालीले आतङ्कवादीहरुका विरुद्धमा धेरै काम गरिसकेको छ र उनीहरुको त्यस्तो कुनै पनि खतरा छैन, तरपनि अमेरिकी माटोमा अझैपनि उनीहरुको अस्तित्व नै छैन भन्न मिल्दैन– उनले भने । अमेरिकी ट्वीन टावरमा भएको हमलाको १४ औँ स्मृती दिवसका क्रममा शुक्रबार राति भएको श्रद्धाञ्जली सभामा उनले सबै अमेरिकी नागरिकलाई आतङ्कवादीका विरुद्धमा सतर्क रहन तथा निगरानी गर्न आग्रह गरेको ह्वाइट हाउसबाट प्राप्त समाचारमा जनाइएको छ ।
अहिले पनि इराक र सिरिया अनि अफगानिस्तान र उत्तरी अफ्रिकामा जारी रहेका आतङ्कवादी क्रियाकलापहरु अमेरिका तथा अरु संसारका लागि पनि सुरक्षा खतरा नै हुन् भन्दै यसका लागि सबैले सतर्कता अपनाउनुपर्नेमा उनको जोड थियो ।
न्युयोर्कको वल्र्ड ट्रेड सेन्टरमा शुक्रबार राति तीन पटकसम्म घन्टी बजाइयो र मौन धारण गरिएको थियो ।
त्यस समयमा राष्ट्रपति ओबामा, अमेरिकी प्रथम महिलासहितका अधिकारीहरुले ह्वाइटहाउसमा एक मिनेटसम्म मौन धारण गरेका थिए ।
सन् २००१ को सेप्टेम्बर ११ मा न्युयोर्कको सो टावरमा विश्व आतङ्कवादी सञ्जाल अल कायदाले गरेको आतङ्ककारी आक्रमणमा परी कम्तीमा पनि तीन हजार जना अमेरिकी नागरिकको ज्यान गएको थियो ।
राष्ट्रपति ओबामाले सोसियल मिडियामा गर्नुभएको पोष्टमा जो आतङ्ककारीको शिकार भएर मरेर गए उनीहरुप्रति हाम्रो सम्मान छ र जो बाँचेका छन् उनीहरुले पनि हाम्रो सुरक्षाका लागि बाँचेका छन् उनीहरुप्रति पनि हाम्रो सम्मान छ उनले भनेका छन् ।
सो हमलापछि अमेरिकामा पनि ठूलो आतङ्क मच्चिएको थियो । उक्त आतङ्ककारी आक्रमणपछि अल कायदाका नेतालाई खोज्न अमेरिकाले इराक र अफगानिस्तानमा सेना पठाएको थियो ।
त्यसै समयबाट अल कायदाका नेता ओसामा बिन लादेनको खोजी सुरु भएको थियो र तीन वर्षअघि उनी पाकिस्तानमा मारिएका छन् । अमेरिकी प्रहरीले कारबाहीका क्रममा लादेनलाई मारेको हो ।
त्यसयता अफगानिस्तानमा अमेरिकी नेतृत्वमा नेटो सैनिक रहेका छन् भने इराकमा पनि सद्दाम हुसेन शासनको अन्त्य भइसकेको छ । रासस/एएफपी