• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल

अस्पताल लैजान नपाएर सुत्केरीको मृत्यु



गौशाला, भदौ २७। महोत्तरीमा विगत छ दिनदेखि जारी अनिश्चितकालीन निषेधाज्ञाका कारण अस्पताल लैजान नपाएर गएराति एक सुत्केरीको मृत्यु भएको छ ।

निषेधाज्ञाका कारण समयमा सुत्केरीलाई अस्पताल पु¥याउन नसक्दा जिल्लाको कोल्हुवाबगेया गाविसका रञ्जीत पण्डितकी श्रीमतीको मृत्यु भएको स्थानीयवासी जीतेन्द्रकुमार मण्डलले बताउनुभयो ।गएराति करिब ११ बजेतिर प्रशव पीडा सुरु भएको उनलाई जिल्ला अस्पताल जलेश्वरमा ल्याउन कुनै पनि एम्बुलेन्स नपाएको र निषेधाज्ञाका कारण निजी गाडीले जान नमानेपछि उनका ससुरा रामभरोस पण्डितले बुहारीलाई टायरगाडामा राखेर अस्पताल लैजाँदै गर्दा उनको बाटोमा मृत्यु भएको जनाइएको छ ।

भागदौडमा वृद्धको मृत्यु

प्रहरी आइरहेको देखेर भागदौड गर्दा शनिबार साँझ महोत्तरीको जलेश्वर नगरपालिका वडा नं १४ बखरीमा एक वृद्धको मृत्यु भएको छ ।

मृत्यु हुनेमा जिल्लाको फुल्हटा परिकौली गाविस– ८ बस्ने ६५ वर्षीय हकिम अन्सारी रहेका छन् ।

आफ्नो छोरीको गाउँमा गएका वृद्ध अन्सारीले शनिबार साँझ स्थानीयवासीसँगै बखरी चोकमा बसिरहेकामा जिल्ला सदरमुकाम जलेश्वरबाट तीव्र गतिमा गएको प्रहरीको भ्यान देखेर गाउँलेसँगै भाग्न खोज्दा उनको लडेर सोही स्थानमा मृत्यु भएको थियो ।

प्रहरीको भ्यान आइरहेको देखेर आत्तिएर भाग्न खोजेका अन्सारी तीव्र गतिमा दौडन नसकेर उनी लडेका थिए भने लड्नासाथ उनको हृदयघातबाट घटनास्थलमै मृत्यु भएको प्रत्यक्षदर्शीहरुले बताएका छन् ।

अहिले उनको शव परिवारजनले आफ्नो गाउँ फुल्हटा परिकौलीमा लगिएको छ । रासस