• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक ★   विश्वकै लामो फिल्म, जसलाई हेर्न ३ दिन बढी समय लाग्ने ★   धैरे पटक चुनाव हारेर रेकर्डः २३८ पटक चुनाव लडेर हारेका नेताजी फेरि चुनाव लड्दै ★   झापा पुगेर गृहमन्त्रीले भने- पीडकसँग प्रशासन-प्रहरीको हिमचिम अन्त्य हुनैपर्छ ★   देशको अर्थतन्त्र गत वर्षजस्तो सङ्कटमा छैन: प्रधानमन्त्री दाहाल ★   आयरल्याण्ड ‘ए’ ले नेपाल ‘ए’ लाई दियो २२३ रनको विशाल लक्ष्य ★   प्रेस सेन्टरले गर्यो मिलन लिम्बूलाई बर्खास्त

राष्ट्रपतिसँग प्रधानमन्त्री कोइराला र संविधानसभाका अध्यक्ष नेम्वाङबीच भेटवार्ता



फाइल फोटो

काठमाडौं, भदौ २९ । राष्ट्रपति डा. रामवरण यादवलाई संविधानसभाका अध्यक्ष सुवास नेम्वाङले आगामी असोज ३ गते संविधानसभा भवनमा हुने विशेष समारोहका लागि औपचारिक निम्तो दिएका छन् ।

सभाध्यक्ष नेम्वाङ मंगलबार बिहान शीतल निवास पुगेर नेपालको नयाँ संविधान जारी भएको घोषणा गर्ने कार्यक्रमका लागि राष्ट्रपति यादवलाई निम्तो दिएका हुन् ।

असोज ३ गते संविधानसभा भवन नयाँ बानेश्वरमा विशेष समारोहकाबीच नयाँ संविधान जारी भएको घोषणा गर्ने कार्यक्रम संविधानसभा सचिवालयले तय गरिसकेको छ ।

राष्ट्रपति यादवले निम्तोबारे छिट्टै औपचारिक जानकारी दिने बताएको सभाध्यक्ष नेम्वाङले जानकारी दिए ।

संविधानसभामा अहिले संविधानको परिमार्जित विधेयकको धारामाथि दफावार मतदान गर्दै पारित गर्ने कार्य भइरहेको छ । संविधानसभामा सभासदहरुको मतका आधारमा नयाँ संविधानको सबै धारा पारित गरिसकेपछि सबै सभासदहरुले त्यसमा हस्ताक्षर गर्ने छन् ।

संविधानको नियमावली अनुसार सबै सभासदहरुको हस्ताक्षरपछि सभाध्यक्ष सुवास नेम्वाङले संविधानलाई प्रमाणीकरण गर्ने छन् भने राष्ट्रपति डा. रामवरण यादवले नयाँ संविधान लागू भएको घोषणा गर्ने छन् ।

त्यसैगरी मंगलबार नै प्रधानमन्त्री सुशील कोइरालाले राष्ट्रपति डा रामवरण यादवसँग भेटवार्ता गरेका छन् । राष्ट्रपति यादव र प्रधानमन्त्री कोइरालाबीच बिहान राष्ट्रपति भवन शीतलनिवासमा भेटवार्ता भएको हो ।
भेटका क्रममा प्रधानमन्त्री कोइरालाले संविधान लेखनमा अहिलेसम्म भएका प्रगति र जारी संविधान लेखन प्रक्रियामा राजनीतिक दललाई सहभागी गराउन गरिएको प्रयासहरुबारे जानकारी गराएका थिए । भेटपछि पत्रकारसँग कुरा गर्दै प्रधानमन्त्री कोइरालाले संविधानसभाबाट संविधान जारी हुने सुनिश्चित भइसकेकाले अब कुनै शङ्का नगर्न सबैसँग आग्रह गरेका थिए ।