• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू

चिलीमा विमानस्थल हडतालबाट हजारौँ यात्रु प्रभावित



सान्टियागो (चिली), २९ भदौ । विमानस्थलमा कार्यरत कामदारको २४ घण्टे हडतालका कारण मङ्गलबार चिलीमा हजारौँ मानिस विभिन्न विमानस्थलमा अलपत्र परेका छन् ।
विमानस्थल कर्मचारीले आफ्नो सेवा निवृत्तिभरण वापत पाउने सुविधा बढाउनुपर्ने जनाउँदै हडताल गरेका हुन् ।
करिब ९० प्रतिशत वा तीन हजार उड्डयन सम्बद्ध कर्मचारीको समर्थन तथा सहभागिता रहेको उक्त हडतालका कारण कुनै पनि आन्तरिक तथा बाह्य उडान गरिएन ।
हडतालबाट उडान रद्द गरिए पनि विमानस्थलको सुरक्षा अवस्था भने सामान्य भएको नागरिक उड्डयन प्राधिकरणका महानिर्देशक म्याक्सीमिलानो लारान्सियाले बताउनुभयो ।
हडतालको असर शतप्रतिशत विमानस्थलमा परेको र यहाँबाट हुने सबै उडान रद्द गरिएका छन्, यद्यपि अन्तर्राष्ट्रिय उडान आगमनमा भने खासै असर नपरेको उहाँले बताउनुभएको छ । विमानस्थलले आपतकालीन हवाई परिवहन भने यथावत चलेका छन् ।
हडतालका कारण दिनभरमा ७० हजार यात्रु विमानस्थलमा अलपत्र अवस्थामा रहनुपर्ने प्राधीकरणले दाबी गरेको छ । रासस÷एएफपी