• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

एमाले अध्यक्ष केपी ओली दोब्बर बढी मतान्तरले विजयी



दमकः नेकपा एमालेका अध्यक्ष केपी शर्मा ओली झापा क्षेत्र नम्बर ५ बाट प्रतिनिधिसभा सदस्यमा निर्वाचित हुनु भएको छ । ओलीले नेपाली कांग्रेसका उम्मेदवार खगेन्द्र अधिकारीलाई २८ हजार ५७६ मतान्तरले पराजित गर्नु भएको थियो ।

संसदीय निर्वाचनमा ओलीको यो छैटौं जित हो । ओलीलाई यस क्षेत्रमा राजेन्द्र लिङदेन नेतृत्वको राष्ट्रिय प्रजातन्त्र पार्टीले समर्थन गरेको थियो ।

अध्यक्ष ओलीले ५२ हजार ३१९ मत प्राप्त गर्नु भएको थियो । काँग्रेस प्रत्यासी अधिकारीले २३ हजार ७४३ मत मात्र पाउनु भएको थियो ।

एक लाख ५४ हजार २८९ मतदाता रहेको यो क्षेत्रमा १ लाख २ हजार १५० मत खसेको थियो ।

ओली २०६४ को पहिलो संविधानसभा चुनावबाहेक २०४८ यताका सबै चुनावमा झापाबाट निर्वाचित हुँदै आउनु भएको छ । उहाँले २०४८, २०५१ र २०५६ को संसदीय निर्वाचनमा झापा क्षेत्र नं ६ बाट निर्वाचित हुनु भएको थियो । ओली २०५६ मै झापा क्षेत्र नं. २ बाट समेत निर्वाचित हुनु भएको थियो ।

तर अध्यक्ष ओली २०६४ को संविधानसभा निर्वाचनमा झापा क्षेत्र नं. ७ बाट पराजित हुनु भएको थियो । उक्त निर्वाचनमा माओवादीका विश्वदीप लिङ्देन निर्वाचित हुनु भएको थियो । उहाँ झापा ५ बाट २०७४ मा सर्वाधिक मतका साथ विजयी हुनु भएको थियो ।