काठमाडौंः प्रतिनिधिसभाको समानुपातिक तर्फको मतगणना पनि जारी रहेको निर्वाचन आयोगले जनाएको छ ।
प्राप्त विवरण अनुसार, समानुपातिकको मतगणनामा नेपाली काँग्रेसले शुरुआती अग्रता बनाइरहेको छ । सोमबार राति ९ बजेसम्मको विवरणमा काँग्रेसले आठ हजार ७९८ मत प्राप्त गरिसकेको छ । दोस्रो स्थानमा रहेको नेकपा एमालेले सात हजार ६४३ मत पाएको छ ।
तेस्रो स्थानमा भने रबि लामिछानेले नेतृत्व गरेको राष्ट्रिय स्वतन्त्र पार्टी रहेको छ । यस दलले पाँच हजार ६४२ मत प्राप्त गरेको छ । नेकपा (माओवादी केन्द्र) ले चौथो स्थानमा रहँदै तीन हजार १९८ मत हासिल गरेको छ ।
त्यसैगरी, राप्रपाले दुई हजार १७२, नेमकिपाले ५९२, जनता समाजवादी पार्टीले ५८४, जनमत पार्टीले ५८३, एकीकृत समाजवादीले २९५ मत प्राप्त गरेका छन् ।
