एजेन्सी । अर्जेन्टिनाले मैत्रीपूर्ण फुटबलमा सहज जित निकालेको छ ।
बुधबार भएको खेलमा अर्जेन्टिनाले जमैकालाई ३–० गोल अन्तरले पराजित गरेको हो । अर्जेन्टिनाको जितमा लियोनल मेसीले दुई गोल गरे भने जुलियन अल्भारेजले एक गोल गरे ।
खेलको १३ औं मिनेटमा अल्भारेजले गोल गर्दै अर्जेन्टिनालाई सुरुआती अग्रता दिलाएका थिए । खेलको ८६ औं मिनेटमा मेसीले गोल गर्दै टिमको अग्रता दोब्बर पारे ।
त्यसपछि खेलको ८९ औं मिनेटमा मेस्सीले फ्रिकिक मार्फत व्यक्तिगत दोस्रो तथा टिमका लागि तेस्रो गोल गर्दै अर्जेन्टिनालाई ३–० को जित दिलाए ।
