• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन ★   आयरल्यान्ड ‘ए’ सँग नेपाल ‘ए’ २१ रनले पराजित ★   संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको छ: प्रधानमन्त्री दाहाल ★   आयरल्यान्ड ‘ए’ विरुद्ध लोकेश बमको सानदार शतक ★   आयरल्यान्ड ‘ए’ विरुद्ध लोकेश बमको अर्धशतक

म्यानमारमा सेनाले गोली चलाउँदा ७ बालबालिकासहित १३ जनाको मृत्यु



एजेन्सी । म्यानमारको एक विद्यालयमा सैनिक हेलिकप्टरले गरेको आक्रमणमा ७ बालबालिकासहित १३ जनाको मृत्यु भएको छ भने १७ जना घाइते भएका छन् ।

समाचार स्रोतका अनुसार मध्य सागाङ क्षेत्रमा रहेको बौद्ध विहार र लेट यात कोन गाउँको विद्यालयमा घटना भएको हो ।

सेनाले गाउँमा प्रवेश गरी गोली चलाएको थियो, जसमा धेरै मानिस घाइते भएका थिए । तर, केही सञ्चारमाध्यमले विद्यालय भवन विद्रोहीले प्रयोग गरिरहेको भन्दै सेनाले कारबाही गरेको बताएको छ ।

विद्यालयका प्रशासकका अनुसार गाउँको उत्तरमा चारवटा एमआई–३५ हेलिकप्टर घुमिरहेको थियो । ‘हामीले केही बुझ्नुअघि नै ती मध्ये दुईवटा हेलिकप्टरले मेसिनगन र भारी हतियारले विद्यालयमा गोली हानेका थिए । विद्यार्थीहरूलाई विद्यालयको तहखानेमा बनाइएको कक्षामा लिएर गएँ, त्यतिन्जेलसम्म ६ बालबालिकाको मृत्यु भइसकेको थियो ।’ उनले भने ।

विद्यालयमा गोली हानेपछि हेलिकप्टर नजिकैको गाउँतर्फ मोडिएको उनले बताए । सेनाको हेलिकप्टरले गाउँमा समेत गोली चलाउँदा एक किशोरको ज्यान गएको छ । माछा मारेर आफ्नो परिवारको गुजारा चलाउने उनको उमेर १३ वर्ष रहेको बताइएको छ । यसबाहेक गाउँमा अन्य ६ जनाको मृत्यु भएको छ ।

सेनाले २० जनालाई साथमा लिएर गएको स्थानीयले बताएका छन् । जसमा ९ जना बालबालिका, ३ जना शिक्षक र अन्य घाइते छन् । यी मध्ये दुई जनालाई सरकार विरोधी भएको आरोप लगाइएको छ ।