• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

च्याम्पियन्स लिगः बायर्न, लिभरपुल र स्पोर्टिङ विजयी



एजेन्सी । च्याम्पियन्स लिग फुटबलको समूह चरण अन्तर्गतको खेलमा जर्मन महारथी बायर्न म्युनिखले जित निकालेको छ ।

मंगलबार मध्यरातमा सम्पन्न खेलमा बायर्नले क्याटलान क्लब बार्सिलोनालाई २–० गोलले पराजित गरेको हो ।

म्युनिखको मैदान एलियान्ज अरिनामा भएको खेलमा दुबै गोल दोस्रो हाफमा सम्भव भएको थियो ।

दोस्रो हाफको सुरुवातमा चार मिनेटको अन्तरमा बायर्नले दुई गोल गरेको हो । ५० औं मिनेटमा लुकास हर्नान्डेजले र ५४ औं मिनेटमा लेरोई सानेले गोल गर्दै बायर्नलाई जित दिलाए ।

खेलमा पकड जमाएको बार्सिलोनाले पटक–पटक गोल गर्ने अवसर प्राप्त गरेपनि त्यस अवसरलाई सदुपयोग गर्न सकेन ।

जितसँगै समूह ‘सी’ मा बायर्न लगातार दोस्रो जित निकाल्दै ६ अंकसहित शीर्षस्थानमा छ । बार्सिलोना भने ३ अंक सहित दोस्रो स्थानमा छ ।

यसै समूहको अर्को खेलमा इटालियन क्लब इन्टर मिलानले चेक क्लब भिक्टोरिया प्लेजनलाई पराजित गर्दै ३ अंक जोडेको छ ।

स्पोर्टिङले टोटेनहमलाई हरायो


च्याम्पियन्स लिग फुटबल अन्तर्गत पोर्चुगीज क्लब स्पोर्टिङ सीपीले जित निकालेको छ ।

गएराति भएको समूह चरणको खेलमा स्पोर्टिङले इंग्लिस क्लब टोटेनहमलाई २–० गोलले पराजित गरेको हो ।

घरेलु मैदानमा स्पोर्टिङलाई जित दिलाउन खेलको ९० औं मिनेटमा पाउलिन्होले र ९०(३ मिनेटमा अर्थरले गोल गरे ।

लगातार दोस्रो जित निकाल्दै स्पोर्टिङ समूह ‘डी’मा पहिलो स्थानमा रहेको छ । टोटेनहम भने ३ अंकसहित दोस्रो स्थानमा छ ।

लिभरपुलले आयाक्सलाई हरायो


च्याम्पिन्स लिग फुटबलको समूह चरण अन्तर्गतको खेलमा इंग्लिस क्लब लिभरपुलले संघर्षपूर्ण जित निकालेको छ ।

गएराति भएको खेलमा लिभरपुलले घरेलु मैदान एनफिल्डमा डच क्लब आयाक्सलाई २–१ गोलले पराजित गरेको हो ।

खेलको १७ औं मिनेटमा मोहमद सलाहले गोल गर्दै लिभरपुललाई सुरुवाती अग्रता दिलाएका थिए । २७ औं मिनेटमा मोहमद कुडुसले गोल गर्दै खेललाई बराबरीमा ल्याए । ८९ औं मिनेटमा जोएल माटिपले गोल गर्दै लिभरपुललाई जित दिलाए ।

जितसँगै समूह ‘ए’ मा रहेको लिभरपुलले ३ अंक जोड्दै दोस्रो स्थानमा उक्लिएको छ । समान अंकसहित आयाक्स तेस्रो स्थानमा रहेको छ ।