• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   राजस्थानलाई जिताउने पराग ज्वरो आएर तीन दिन विस्तारामा सुतेका थिए, पेनकिलर खाएर खेले ★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ?

काभ्रेमा अमेरिकी दूतावासको ‘बुक बस’ कार्यक्रम



काभ्रेपलाञ्चोक । यहाँका पाँच विद्यालयमा अमेरिकन दूतावासको सहयोगमा ‘बुक बस’ कार्यक्रम सञ्चालन भइरहेको छ ।

कार्यक्रम अवधिभर बुक बसले ती विद्यालयमा स्थानीय भाषा, कला, विज्ञान–प्रविधिबारे विविध कार्यशाला तथा किताब पठनपाठन आयोजना गरेको छ । कार्यक्रम सामुदायिक तथा निजी विद्यालयमा यही भदौ १९ देखिदेखि आगामी असोज छ गतेसम्म सञ्चालन गरिएको हो । काभ्रेपलाञ्चोकको बनेपास्थित हिमालय माध्यमिक विद्यालय, समता शिक्षा निकेतन, विद्या सागर स्कुल, आजाद मावि र चैतन्य माविमा बुक बस कार्यक्रम सुरु गरिएको छ ।

उक्त कार्यक्रमअन्तर्गत शैक्षिक तथा सांस्कृतिक कार्यक्रमको आयोजनासमेत हुने संयोजक साम्भवी श्रेष्ठले बताउनुभयो । श्रेष्ठका अनुसार बुक बसले विद्यालयमा ‘स्टीम’, ‘सिभिल राइटस् एण्ड लिबरटीज’, पुस्तक पठन र कथा वाचनजस्ता कार्यक्रम सञ्चालन भइरहेको छ । एक विद्यालयमा दुईदेखि चार दिनसम्म कार्यक्रम सञ्चालन गरिने आयोजकले जनाएका छन् ।

उक्त कार्यक्रम सतोरी सेन्टर फर द आर्टस्मार्फत श्रेष्ठ र रुवीना प्रधानले संयोजन गर्दै आउनुभएको छ । बुक बसले विद्यार्थी तथा समुदायमा पठनपाठनको अभिरुचि वृद्धि गर्ने, सिर्जनात्मक सोचाइको विकास गर्ने र विद्यार्थीलाई अर्थपूर्ण तथा स्मरणीय शिक्षा प्रदान गर्ने अवसरको सृजना गर्ने उद्देश्यले कार्यक्रम सञ्चालन गरिएको श्रेष्ठले बताउनुभयो ।

उहाँले भन्नुभयो, “पुस्तक पठन र कथा वाचनअन्तर्गत विद्यार्थीसँग छलफल गरी कथामा आधारित सिर्जनात्मक क्रियाकलाप गर्न प्रोत्साहन गर्दै आएका छौँ ।” कार्यक्रमका लागि बसलाई नै पुस्तकालय व्यवस्थापन गरिएको छ ।

हाल कार्यक्रम सञ्चालित विद्यासागर स्कुलका प्रिन्सिपल हिरा शर्माले बुक बस कार्यक्रम विद्यार्थीलाई अतिरिक्त क्रियाकलापका लागि बहुउपयोगी भएको बताउनुभयो । “मिडिया साक्षरता र जलवायु परिवर्तन कार्यशालामा विद्यार्थीको समाचार तथा सामाजिक सञ्जालमा पाइने जानकारी बुझ्ने र विश्लेषण गर्ने क्षमता विकास गरिएको छ, यो विद्यार्थीमा सामाजिकीकरणका लागि निकै उपयोगी मानियो”, उहाँले भन्नुभयो ।

विद्यासागर स्कुल र आजाद उच्च माविमा मझुवा बगर जनकला मञ्च नाटक समूहद्वारा जलवायु परिवर्तन र वातावरणकाबारे लोक नाटक मञ्चन गरिएको छ । त्यस्तै ‘सिभिल राइटस् एण्ड लिबरटीज्’ विधामा विद्यार्थीसँग नागरिक अधिकार, स्वतन्त्रता, असमानता, निष्पक्षता र न्यायका अवधारणाबारे छलफल गरिने संयोजक श्रेष्ठले बताउनुभयो । उहाँका अनुसार स्टिम कार्यशालामा विद्यार्थीलाई परिचयात्मकरुपमा वैज्ञानिक प्रक्रियाको प्रयोग गरी सोच्न र ज्ञान प्राप्त गर्न प्रोत्साहन गरिनेछ ।