• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   राजस्थानलाई जिताउने पराग ज्वरो आएर तीन दिन विस्तारामा सुतेका थिए, पेनकिलर खाएर खेले ★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ?

गुल्मी–२ रामकुमारी झाँक्रीलाई नछाड्न माओवादीमा दबाब बढ्यो



काठमाडौं । सत्ता गठबन्धनभित्र सिट बाँडफाँटले टुंगो पाउन नसकिरहेको अवस्थामा गुल्मी क्षेत्र नम्बर २ नेकपा एसलाई नछाड्न माओवादी केन्द्रभित्रै लबिङ बढेको छ ।

स्थानीय चुनावमा लुम्बिनी प्रदेशमै रोल्पापछिको दोस्रो नतिजा निकालेको गुल्मीमा माओवादीले प्रतिनिधिसभाका दुवै क्षेत्र छाड्न नसक्ने नेताहरु बताउँछन् ।

गुल्मी–२ मा माओवादीबाट टिकटका प्रमुख दाबेदार रहेका भिमकान्त भण्डारीले आइतबार पार्टी अध्यक्ष पुष्पकमल दाहाल प्रचण्डसँगको भेटको तस्बिर फेसबुकमा राखेपछि गुल्मीको राजनीतिमा तरंग पैदा भएको छ ।

भण्डारीले तस्बिरसहित क्याप्सन लेखेका छन् – अध्यक्ष भन्नु हुन्छ गुल्मी के छ जितिन्छ ? मैले भने, गुल्मी–२ का जनताले हसिया हथौडामा भोट हाल्ने रहर गरेका छन् । यसले गुल्मी २ मा माओवादीको बलियो दाबी रहेको अड्कल काट्न गाह्रो पर्दैन ।

१२ स्थानीय तह रहेको गुल्मीमा माओवादी केन्द्रले चारवटामा प्रमुख पद जितेको छ । त्यसमध्ये रुरुक्षेत्र गाउँपालिकाबाहेक अन्य तीनवटा पालिका क्षेत्र नम्बर २ मा पर्दछ । सो क्षेत्रमा नेकपा एसकी सचिव रामकुमारी झाँक्रीले टिकट दाबी गरेकी छन् । शीर्ष नेताहरुले गुल्मी २ झाँक्रीलाई छाड्ने होकि भन्ने मनासायले माओवादीका स्थानीय नेता कार्यकर्ताहरु नेतृत्वमाथि दबाब बढाउन थालेका छन् ।

गुल्मी–२ बाट माओवादी केन्द्रले भीमकान्त भण्डारी, नुमराज पाण्डे र वीरवहादुर कार्कीको नाम सिफारिस गरेको भएता पनि भण्डारीले टिकट पाउने लगभग निश्चितै छ ।

गुल्मी माओवादीका लुम्बिनी प्रदेश अध्यक्ष सुदर्शन बराल समेत चुनाव जितेको र गृहजिल्ला भएका कारण पनि गुल्मी २ मा माओवादीले दाबी यथावत राखेको नेताहरु बताउँछन् । झाँक्रीले प्रत्यक्ष मै चुनाव लड्ने आकांक्षा भए काठमाडौं उपयुक्त हुने उनीहरुको सुझाव छ ।