• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   चार्जिङ स्टेशनमा लगानी बढाउन लगानी कर्ताहरुलाई कुलमानको आह्वान ★   बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ: प्रधानमन्त्री ★   लोकमार्ग छेउछाउमा बढ्दै बस्ती ★   राष्ट्रिय सभाका उपाध्यक्ष उर्मिला अर्यालबाट राजीनामा ★   स्वास्थ्य क्षेत्रको सुधार गर्न भन्दै रास्वपाले स्वास्थ्यमन्त्री यादवलाई बुझायो २६ बुँदे सुझाव ★   महिलामैत्री बजेट ल्याउन सम्बन्धित मन्त्रालयसँग छलफल जारी छ: मन्त्री चौधरी ★   कोभिड निगरानीका लागि विश्व स्वास्थ्य संगठनद्वारा विश्वव्यापी सञ्जाल सुरु ★   वीरगञ्ज भन्सारद्वारा आठ महिनामा एक अर्ब राजस्व सङ्कलन ★   सौराहाको रोजगारी र आयको मुख्य स्रोत पर्यापर्यटन ★   पहिलो दिनको एसइई परीक्षा शान्तिपूर्ण रूपमा सम्पन्न

‘सहि दिशा’ नामक पुस्तक विमोचन



काठमाडौं, २७ भदौ । भिजनरी लेखकद्वारा लिखित ‘सहि दिशा’ पुस्तक विमोचन गरिएको छ । आज (सोमबार) रिपोर्टर्स क्लब नेपालमा पत्रकार सम्मेलनको आयोजना गरेर उक्त पुस्तकको पाँच कन्याहरुबाट विमोचन गरिएको हो ।

पुस्तकको अवधारणाबारे स्पष्ट पार्दै लेखकले आफ्नो पुुस्तकमा मानव जातिको इतिहास उतारिएको बताएका छन । मानव जातिले ५० लाख वर्षदेखि बाटो बिराउँदै आएको टिप्पणी गरे । मानव जाति गलत तरिकाले हिडेकाले विश्वभर अन्याय, अत्याचार भइरहेको उनको भनाइ छ । मानिसहरुले सहिबाटो पत्तो लगाउन नसकेको उनले बताए । उनले भने,“मानिस अति नै जम्मर जात हो । हामी कहिल्यै पनि सुध्रिन खोज्दैनौ ।” मानिसले गलत बाटो हिडेको महसुस गरे देशमा मात्र नभएर पृथ्वीमा नै अन्याय र अत्याचार घट्ने उनको तर्क छ ।

उनले अत्याचार गर्न नछाडे डाइनोसरको वंश नै पृथ्वीबाट लोप भएजस्तै मानव जातिको पनि नाश हुने भन्दै वैज्ञानिकहरुले चेतावनी दिएको सुनाए ।

अब पनि मानिसहरु नसुध्रिए नाश हुने दाबी गर्दै उनले मानिस मात्र नभएर जलचर,थलचर र उभयचरको पनि नाश हुने तरिकाले लोपको संघारमा पुगेको टिप्पणी गरे । अब सुध्रने बाहेक अन्य कुनै उपाय नभएको जिकिर गर्दै उनले भने,“अब ३० वर्ष भित्रमा मानव जाति नसुध्रिए त्यसपछि चाहेर पनि सुध्रिन सक्दैनौ ।” उनले आजकै दिनबाट मानिसहरु सुध्रिन पट्टी लागेर अघि बढेर सहि दिशा दिनुपर्ने धारणा राखे ।

लेखकले भर्खरै जन्मेको बच्चाले पनि पृथ्वीमा आठ अर्ब हिस्साको १ हिस्सा पाउनुपर्ने बताए । हतियारको लडाइले अब पृथ्वीमा परिवर्तन गर्न नसकिने उनको भनाई थियो । अहिले विश्वका १३ देशमा हतियार निर्माण हुन थालेको उल्लेख गर्दै उनले लडाइको विरोधमा मानव जाति हुनुपर्ने र शान्तिपुर्ण तरिकाले अघि बढ्नुपर्ने धारणा राखे । उनले भने,“त्यसका लागि चुनावमा भाग लिने, राम्रा उम्मेदवारहरु छान्ने र राम्रा मान्छेको हातमा देशको तालाचाबी सुम्पिने लक्ष्य बनाउनुपर्छ ।”

राजा र राणाले संयुक्त रुपमा १०८ वर्ष शासन गरेको बताउँदै उनले त्यतिबेला पनि जनताले दुःख पाएको स्मरण गराए । देशमा दलिय व्यवस्था आएपनि जनताको जीवनमा परिवर्तन नआएको भन्दै उनले शासकहरुको मानसिकता नबदलिएको गुनासो पोखे । लेखकले भने,“दलिय व्यवस्थापछि सुशासन छाउन नसकेपछि जनतामा निराशा छाएको छ । पञ्चायतकालमा सुन, मुर्ति चोरी हुन्थे, त्यो त अहिले पनि छ ।”

राजनीतिलाई ‘फोहोरी’को संज्ञा दिँदै फोहोरी राजनीति नेपालमा मात्र नभएर विश्वभर भएको बताउँदै उनले विश्वलाई नेपाली सुध्रिएर देखाउन पर्नेमा जोड दिए । त्यसका लागि नेपाली नागरिक स्वतन्त्र तरिकाले अघि बढ्नुपर्ने बताए ।

उनले केही व्यक्तिहरुले दल नचाहिने भन्ने तर आफैले दल दर्ता गरेको उल्लेख गर्दै त्यसबारे आपत्ति जनाए । उनले भने,“साइनबोर्ड भने स्वतन्त्रको राख्ने तर दल दर्ता गरेर जाने यो सहि परिपाटी भएन र यो त सुरुमै बेइमानी भयो ।

इमानदारिता सुरु देखिनै देखाउन पर्छ ।” उनले स्वतन्त्र उम्मेदवारहरु जनताप्रति बेइमान हुन नहुने तर्क गरे । स्वतन्त्र उम्मेदवारहरुलाई आगामी निर्वाचनमा प्रत्येक जिल्ला र प्रदेशबाट उठ्नसमेत लेखकले आग्रह गरे । (लेखक स्वयंले आफ्नो नाम नखुलाउन आग्रह गरेपछि नाम खुलाइएको छैन ।)