• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

हिमाली भेडा ‘नाउर’- फोटो फिचर



उच्च हिमाली क्षेत्रमा पाइने हिमाली भेडालाई नाउर भनिन्छ । समुद्री सतहबाट करिब तीन हजार मिटरको उचाइदेखि पाँच हजार मिटरभन्दा धेरै उचाइमा नाउर पाइन्छ ।

स्तनधारी जनावर नाउर नेपालका करिब सबै हिमाली जिल्लामा पाइन्छ । बथानमा बस्न मन पराउने यो जनावरको तौल करिब एक सय किलोभन्दा बढी हुन्छ ।

पाँच प्रजातिमा पाइने नाउरमध्ये नेपालमा मात्र पाइने हिमाली भेडा नाउर हो । नाउर जाडो समयमा बेँसीतिर झर्ने गर्छ । हिमरेखामा रमाउने हिमाली जङ्गली जनावर नाउर चिसो बढेसँगै बेँसी झर्ने गर्छन् । गर्मीयममा भने हिमालको काखमा बसोबास गर्ने यी जनावर जाडो छल्न बेँसी झर्छन् ।

नेपालको लाङटाङ, मकालु वरुण राष्ट्रिय निकुञ्ज, ढोरपाटन सिकार आरक्ष, मनाङ, मुस्ताङ र डोल्पाको शे फोक्सुण्डो राष्ट्रिय निकुञ्जमा यो जनावर पाइने गर्छ । ढोरपाटन सिकार आरक्ष नाउर सिकार गर्न पाइने प्रसिद्ध ठाउँ हो । यहाँ विदेशीहरू समेत नाउरको सिकार खेल्न आउने गर्छन् ।

यिनीहरुलाई हिउँ चितुवाको मुख्य आहारको रुपमा पनि चिनिन्छ ।

तस्बिर: नवीन लामिछाने / रासस