• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ? ★   शौचालयमा मृत भेटिइन् डा प्रतिभा ★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो

नासाको ‘मुन रकेट’ उड्न तयार



केप क्यानभरल । अमेरिकी अन्तरिक्ष एजेन्सी नासाको ‘मून रकेट’ प्रक्षेपणस्थलमा चट्याङ परे पनि सोमबार प्रस्थान गर्ने बाटोमा छ ।

यो तीन सय २२ फुटको स्पेस लन्च सिस्टम रकेट नासाले बनाएको सबैभन्दा शक्तिशाली रकेट हो। नासाको ‘अपोलो’ अभियानको करिब आधा शताब्दीपछि चन्द्रमाको कक्षमा खाली ‘क्रू क्याप्सुल’ पठाउने तयारी गरिएको छ । अपोलो अभियानका क्रममा १२ जना अन्तरिक्ष यात्री चन्द्रमामा अवतरण गरेका थिए ।

यदि यो छ हप्ताको परीक्षण उडान राम्रो भयो भने, अन्तरिक्ष यात्रीहरू केही वर्षमा चन्द्रमामा फर्कन सक्छन्। तर, नासाका अधिकारीहरूले जोखिम उच्च रहेको र उडान अवधि घटाउन सक्ने चेतावनी दिएका छन् ।

शनिबारको आँधीमा नासाको केनेडी स्पेस सेन्टरमा रहेको रकेट र क्याप्सुलमा कुनै क्षति नभएको नासाका अधिकारीहरूले आइतबार बताएका छन्। अन्य उपकरणमा पनि क्षति नभएको उनीहरुले बताए ।

उल्लेखनीय कुरा के छ भने नासाको आर्टेमिस–१ मिसन लगभग आधा शताब्दीपछि मानिसलाई चन्द्रमाको यात्रा गराएर फिर्ता ल्याउने एक महत्वपूर्ण कदमतर्फ अघि बढिरहेको छ। यो मिसन २९ अगस्ट २०२२ (भदौ १३ गते आज) मा प्रक्षेपण हुने तय गरिएको छ र नासाको अन्तरिक्ष प्रक्षेपण प्रणाली र ओरियन क्रु क्याप्सुलको लागि महत्वपूर्ण यात्रा हुन गइरहेको छ।

यो अन्तरिक्ष यान चन्द्रमामा जानेछ, केही साना उपग्रहहरूलाई कक्षमा खसाल्नेछ र आफूलाई कक्षमा राख्नेछ। नासाको उद्देश्य अन्तरिक्षयान सञ्चालनमा तालिम प्राप्त गर्नु र चन्द्रमा वरपर अन्तरिक्ष यात्रीहरूले अनुभव गरेको अवस्थाको अनुसन्धान गर्नु हो।
एजेन्सी