• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू

जुम्ल्याहा दाजुभाइले गरे जुम्ल्याहा दिदीबहिनीसँग विवाह, जन्माए ‘जुम्ल्याहा’ बच्चा



एजेन्सी
वासिंटन । यदि जुम्ल्याहा दाजुभाइले दुई जुम्ल्याहा दिदीबहिनीसँग विवाह गरेका छन् र त्यसपछि लगभग एकै समयमा बच्चाहरू जन्मिए भनेर कसैले भन्यो भने तपाइँ सोच्न सक्नुहुन्छ कि यो झुटो हो।

तर यो साँच्चै भयो। भर्जिनियामा बस्ने जुम्ल्याहा दिदीबहिनी ब्रायना र ब्रिटनी डीन (३५) जुम्ल्याहा दाजुभाइ जोश र जेरेमीसँग विवाहित छन्।

दम्पतीको एक–एक बच्चा छन्, ज्याक र जेट, जसको उमेर फरक मात्र तीन महिना छ। ज्याक र जेट एउटै डीएनएबाट बनेका हुनाले उनीहरु सम्बन्धमा ठूलोबुबा र काकाका छोरा हुन सक्छन् तर आनुवंशिक स्तरमा दाजुभाइ हुन् ।

जुम्ल्याहा आमा र जुम्ल्याहा बाबुबाट जन्मेका बालबालिकालाई ‘क्वाटरनरी जुम्ल्याहा’ भनिन्छ। यो पनि जुम्ल्याहाको प्रकार हो। विश्वभर यस्ता करिब ३०० परिवार छन् ।

जोससँग विवाहित तथा जेटकी आमा ब्रिट्नीले बच्चाहरूको अनौठो अवस्था भएको र यसका कारण उनीहरू सामान्य कजिनभन्दा नजिक भएको बताइन्। दुवै बच्चा ९ महिनाभन्दा कम उमेरमा जन्मिएका थिए । यो परिवार इन्स्टाग्राममा निकै चर्चित छ ।

जेरेमी भन्छन्, “कहिलेकाहीँ मलाई जेट मेरो एक्लो सन्तान जस्तो लाग्छ र मलाई लाग्छ जोशले ज्याक्सको बारेमा पनि त्यस्तै महसुस गरेको हुनुपर्छ।” दुवै बच्चालाई एउटै परिवारको रूपमा बाँच्नका लागि सँगै हुर्काउँदै आएको उनले बताए ।

जुम्ल्याहा बहिनीहरूले सन् २०१७ मा एक उत्सवका क्रममा जुम्ल्याहा दाजुभाइलाई भेटेका थिए। यो उत्सव जुम्ल्याहाका लागि मात्र आयोजना गरिएको थियो । दुवै दाजुभाइले छ महिनापछि मात्रै बिहे गर्ने निर्णय गरे ।

दम्पतीको विवाह कसैको ध्यान खिच्न पर्याप्त थियो, किनकि १५ जुम्ल्याहा सहभागी थिए। उनीहरुको विवाह टिभीमा पनि प्रसारण भएको थियो ।

दाजुभाइ र दिदीबहिनीले विवाहमा समान लुगा लगाएका थिए। जोश र जेरेमीले जुम्ल्याहा दिदीबहिनी भेट्टाएपछि मात्र विवाह गर्ने वाचा गरेका थिए ।