• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना

गौतमश्री सहकारी काण्डः फरार अध्यक्ष रामबहादुर गौतम नेपाल फर्किए



काठमाडौं । राजधानीको कालीमाटीमा रहेको गौतमश्री बहुउद्देश्यीय सहकारी संस्थाका अध्यक्ष रामबहादुर गौतम नेपाल फर्किएका छन् । एक सातादेखि सहकारी बन्द गरेर अध्यक्ष गौतम सहितका सबै संचालक एकाएक फरार भएपछि सहकारीमा निक्षेप रहेका व्यक्तिहरु आक्रोशित र चिन्तित भएका थिए ।

तर अध्यक्ष गौतम भारतबाट नेपाल फर्किएका छन् । उनी प्रहरीको सुरक्षा बीच शुक्रबार सहकारीको केन्द्रीय कार्यालय, कुलेश्वरमा आइपुगेका थिए । उनले सहकारीको कार्यालयमा उपस्थित निक्षेपकर्ताका सामुन्ने आफूले सहकारी विभाग समेतका निकाय र ठूला निक्षेपकर्तासँग कुरा गरिसकेको बताउँदै सबैको पैसा क्रमिक रुपमा भुक्तानी गरिदिने बचन दिएका थिए ।

उनले तर यसका लागि हतार नगर्न र केही समय धैर्य गर्न आग्रह समेत गरेका थिए । गौतमले आफूले आफ्नो सम्पत्ति बेचेर भए पनि बचतकर्ताको सबै रकम फरफारक गर्ने बताएका थिए ।

अध्यक्ष गौतमले आफू सहकारीकै भवनमा बस्ने र कहीँ नजाने बताएर बचतकर्तालाई आश्वस्त पार्न खोजेका थिए । आफ्ना कम्पनीको व्यापार, सम्पत्ति, सहकारीको बचत, ऋण र जग्गा कति छ भन्ने सबै विवरण आइतबार भूमि व्यवस्था तथा सहकारी मन्त्रालयमा बुझाउने पनि उनले बताए ।