• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

गौतमश्री सहकारी काण्डः फरार अध्यक्ष रामबहादुर गौतम नेपाल फर्किए



काठमाडौं । राजधानीको कालीमाटीमा रहेको गौतमश्री बहुउद्देश्यीय सहकारी संस्थाका अध्यक्ष रामबहादुर गौतम नेपाल फर्किएका छन् । एक सातादेखि सहकारी बन्द गरेर अध्यक्ष गौतम सहितका सबै संचालक एकाएक फरार भएपछि सहकारीमा निक्षेप रहेका व्यक्तिहरु आक्रोशित र चिन्तित भएका थिए ।

तर अध्यक्ष गौतम भारतबाट नेपाल फर्किएका छन् । उनी प्रहरीको सुरक्षा बीच शुक्रबार सहकारीको केन्द्रीय कार्यालय, कुलेश्वरमा आइपुगेका थिए । उनले सहकारीको कार्यालयमा उपस्थित निक्षेपकर्ताका सामुन्ने आफूले सहकारी विभाग समेतका निकाय र ठूला निक्षेपकर्तासँग कुरा गरिसकेको बताउँदै सबैको पैसा क्रमिक रुपमा भुक्तानी गरिदिने बचन दिएका थिए ।

उनले तर यसका लागि हतार नगर्न र केही समय धैर्य गर्न आग्रह समेत गरेका थिए । गौतमले आफूले आफ्नो सम्पत्ति बेचेर भए पनि बचतकर्ताको सबै रकम फरफारक गर्ने बताएका थिए ।

अध्यक्ष गौतमले आफू सहकारीकै भवनमा बस्ने र कहीँ नजाने बताएर बचतकर्तालाई आश्वस्त पार्न खोजेका थिए । आफ्ना कम्पनीको व्यापार, सम्पत्ति, सहकारीको बचत, ऋण र जग्गा कति छ भन्ने सबै विवरण आइतबार भूमि व्यवस्था तथा सहकारी मन्त्रालयमा बुझाउने पनि उनले बताए ।