• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

उपत्यका विशेष प्रदेश कमिटीमा स्थानीय निर्वाचनको समीक्षा



काठमाडौं । नेकपा (एमाले) उपत्यका विशेष प्रदेश कमिटीको शनिबार बसेको बैठक स्थानीय तह निर्वाचनको समीक्षा, सदस्यता नवीकरण र विस्तार तथा आर्थिक विषयमा छलफल र केही आवश्यक निर्णय गरी सम्पन्न भएको छ ।

स्थानीय तह निर्वाचनमा खासगरी उपत्यकाका तीनवटै जिल्लामा प्रदेश कमिटीका सदस्य र अन्तर्गतका चार जिल्ला कमिटीमा आवद्ध सदस्यहरू परिचालन भएका थिए । केही सदस्यहरू निर्वाचनमा उपत्यका बाहिर आ–आफ्ना गृहजिल्ला गएका थिए ।
उपत्यका प्रदेश कमिटीले स्थानीय तह निर्वाचनमा खटिएका सदस्यहरूलाई संयोजन गर्न तीनै जिल्लामा संयोजक तोकेको थियो ।

बैठकमा काठमाडौं जिल्लाको संयोजन गर्नुभएका उपाध्यक्ष विदुर कार्की, ललितपुरको संयोजन गर्नुभएका उपसचिव चन्द्र रिजाल र भक्तपुरमा संयोजकको भूमिकामा खटिनुभएकी उर्मिला सुनुवारले स्थानीय निर्वाचनबारे लिखित रिपोर्टिङ प्रस्तुत गर्नुभएको थियो ।
त्यस्तै, बैठकमा मजदुुर विशेष जिल्ला कमिटीका अध्यक्ष जितेन्द्र श्रेष्ठ, पेशागत विशेष जिल्ला कमिटीका अध्यक्ष उमेश ढकाल, युवा विद्यार्थी जिल्ला कमिटीको तर्फबाट इन्चार्ज चिरन्जिवी पौडेल र उद्योग व्यवसाय विशेष जिल्ला कमिटीको तर्फबाट इन्चार्ज चन्द्र रिजालले रिपोर्ट प्रस्तुत गर्नुभएको थियो ।

उहाँहरूले प्रस्तुत गर्नुभएको रिपोर्टिङ र विभिन्न जिल्ला, पालिका र वडामा क्रियाशील हुनुभएका प्रदेश कमिटीका सदस्यबाट प्राप्त रिपोर्ट, अनुभव र सुझावलाई एकीकृत गरी प्रतिवेदन तयार गर्ने निर्णय बैठकले गरेको छ । प्राप्त रिपोर्ट र बैठकमा व्यक्त विचारलाई संक्षेपीकरण गरी अन्तिम प्रतिवेदन तयार गर्न ११ सदस्यीय समिति निर्माण गरिएको छ ।

बैठक पार्टीका पोलिटव्यूरो सदस्य तथा उपत्यका विशेष प्रदेश कमिटीका इञ्चार्ज सुजिता शाक्यको प्रमुख आतिथ्यमा अध्यक्ष प्रेमकुमार पराजुुलीको अध्यक्षतामा बसेको थियो ।

बैठकमा पार्टीका केन्द्रीय सदस्य तथा उपत्यका विशेष प्रदेश कमिटीका सह इन्चार्ज बीना श्रेष्ठ, केन्द्रीय सदस्य तथा युवा विद्यार्थी जिल्ला कमिटी इन्चार्ज नवीना लामा र मजदूर विशेष जिल्ला कमिटीका सहइन्चार्ज सीता लामाको पनि उपस्थिति थियो ।