• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला

अक्षय र आमिरको बक्स अफिसमा भिडन्त हुने



एजेन्सी । अक्षय कुमार स्टारर फिल्म ‘रक्षा बन्धन’को ट्रेलर सार्वजनिक भएको छ । योसँगै फिल्मको रिलिज मिति पनि सार्वजनिक गरिएको छ । फिल्म अगस्ट ११ अर्थात् रक्षाबन्धनको दिन रिलिज हुँदैछ ।

सोही दिन आमिर खानको ‘लाल सिंह चड्ढा’ पनि रिलिज हुँदैछ । यसलाई यो वर्षको सबैभन्दा ठूलो बलिउड भिडन्त भएको मानिएको छ ।

ट्रेलर लञ्च कार्यक्रममा अक्षयले मिडियासँग यस भिडन्तको बारेमा कुरा गर्दै त्यसलाई भिडन्त नभई, ठूलो दिन रहेको बताए ।

आमिरको फिल्मसँग टकराव भएको प्रश्नको जवाफमा अक्षय कुमारले भने, ‘यो टकराव होइन । दुईवटा राम्रा चलचित्र सँगै आउँदैछन् । यो ठूलो दिन हो । कोभिडका कारण धेरै फिल्म रिलिज भएनन् भने कतिपय रिलिजको पर्खाइमा छन् । अब एकैसाथ धेरै चलचित्र रिलिज हुनु स्वभाविक हो । आशा छ दुबै चलचित्रले राम्रो प्रतिक्रिया पाउनेछन् ।’

रक्षा बन्धनको कथा एक भाइको बारेमा रहेको छ जसले आफ्ना चार बहिनीहरूको विवाहको जिम्मेवारी वहन गर्दछ । उनकी प्रेमिकाले विवाह गर्न जिद्दी गरिरहेकी हुन्छिन् । फिल्म यही पारिवारिक मिश्रणबाट बनेको छ ।

फिल्ममा अक्षय कुमारसँगै भूमि पेडनेकर, सादिया खातिब, सीमा पाहवा, दीपिका खन्ना मुख्य भूमिकामा देखिनेछन् । फिल्मलाई आनन्द एल राईले निर्देशन गरेका छन् ।