• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ? ★   शौचालयमा मृत भेटिइन् डा प्रतिभा ★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो

एमसीसी आईपीएसकै अंग भएको वामदेवको दाबी



काठमाडौँ । राष्ट्रियसभाका सदस्य वामदेव गौतमले अमेरिकी सहायता कार्यक्रम (एमसीसी) इन्डो प्यासिफिक स्ट्राटेजी (आईपीएस) कै अंग भएको दाबी गर्नुभएको छ । राष्ट्रियसभाको शुक्रबारको बैठकमा उहाँले एमसीसी आईपीएसकै अंग भएको जिकिर गर्दै नेपाललाई प्रतिबद्ध बनाउन र देशव्यापी विरोधलाई मत्थर पार्न मात्र १२ बुँदे व्याख्यात्मक घोषणा गरिएको बताउनुभयो ।

एमसीसीले नेपाललाई नैतिक बन्धनमा राख्ने तर अमेरिकालाई कुनै नैतिक बन्धन नहुने उहाँको भनाइ थियो । उहाँले प्रधानमन्त्री शेरबहादुर देउवामा जे गर्नु नपर्ने काम हुन्छन् त्यस्ता काम मात्र गर्ने चरित्र रहेको आरोप लगाउनुभयो ।

एमसीसी सम्झौता गर्न नहुने थियो तर देउवाले गराएरै छाड्नुभयो भन्दै नेता गौतमले अहिले पनि स्टेट पार्टनरसीप प्रोग्राम (एसपीपी) सम्झौतामा पनि उहाँ तयार भइसक्नुभएको बताउनुभयो । यस्ता कार्यले स्वयं प्रधानमन्त्री देउवालाई मात्र नभएर नेपाली कांग्रेसलाई पनि नोक्सान हुने उहाँको भनाइ थियो ।

जे जस्तो सहायता आउँछ त्यसमा सहमति जनाइहाल्ने स्वभाव प्रधानमन्त्री देउवामा रहेको उहाँले बताउनुभयो । संसद्मा समयमै कुरा उठेकाले मात्र एसपीपीबाट नेपाल जोगिएको उहाँले बताउनुभयो ।