• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   प्रतिस्पर्धाको अभावले अष्ट्रेलियाको जीवनस्तर तथा उत्पादकत्वमा गिरावट: रिपोर्ट ★   नेप्से परिसूचकमा सामान्य अङ्कको वृद्धि ★   हिमालमा हेलिकप्टरले बचाउँदै पर्यटकको ज्यान ★   स्वरोजगार महिलालाई उपमहानगरको सम्मान ★   राष्ट्रपति रनिङ सिल्डका लागि राष्ट्रपतिलाई निमन्त्रणा ★   निराशा चिर्ने र भरोसा जगाउने चुनौती छ: प्रधानमन्त्री ★   सर्लाहीबाट १० निरीक्षक निष्काशित, एक परीक्षार्थीले हिरासतबाटै परीक्षा दिए ★   यशराजको आगामी फिल्ममा विशेष लुकमा देखिदै बबी देओल ★   चार्जिङ स्टेशनमा लगानी बढाउन लगानी कर्ताहरुलाई कुलमानको आह्वान ★   बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ: प्रधानमन्त्री

समुद्रका यी तस्बिरहरूले मन पनि जित्यो र पुरस्कार पनि…



‘ओशन लोटस लीभ’को ‘ल्याण्डस्केप अन वाटर’ विधामा भियतनामका नुएन भुको तस्बिरले प्रथम पुरस्कार जितेको छ । यो तस्विरले कुआङ नान प्रान्तको समुन्द्रमा माछा मार्ने माछा मार्नेहरूले सामना गर्ने चुनौतीहरू देखाउँदछ।

यो हप्ता संयुक्त राष्ट्र संघले नवौँ विश्व समुद्र दिवसको अवसरमा आयोजना हुने फोटो प्रतियोगिताका विजेताहरूको नाम घोषणा गरेको छ।

यो प्रतियोगिता हरेक वर्ष जुन ८ मा आयोजना हुने गर्दछ । न्यूयोर्कमा आयोजित एक विशेष कार्यक्रममा यस वर्षका विजेताहरुको नाम घोषणा गरिएको हो ।

यस वर्ष ‘पुनरुत्थान : महासागर बचाउने सामूहिक प्रयास’ मा छवटा विधा समावेश गरिएको थियो। यो प्रतियोगिता मार्च महिनामा सुरु भएको थियो । जसअन्तर्गत विश्वभरका फोटोग्राफरहरूलाई समुद्रको सौन्दर्य, पानीसँग सम्बन्धित जीवन र यसको आवश्यकता देखाउन आमन्त्रित गरिएको थियो।

मेक्सिकोको काबो पुल्मो राष्ट्रिय निकुञ्जमा समुद्रको सतहमा खाना खोजिरहेका सयौं माछाहरूमध्ये एउटा रे माछा र पोर्कुपिन पनि पर्छन्। अर्जेन्टिनाका निकोलस हानको यो तस्विरले ‘अण्डरवाटर ल्यान्डस्केप’ विधामा अवार्ड जितेको छ । हान भन्छन् कि संरक्षित क्षेत्रको यो तस्वीर समुद्रमा लुकेको कुराको संकेत हो।

थाइल्याण्डका सुपाचाई विरुत्थाननको यो तस्बिरले ‘कोस्टल कम्युनिटीज’ विधामा प्रथम पुरस्कार जितेको छ । तस्बिरमा शताब्दीयौंदेखि डुङ्गामा बस्ने ‘बजाउ’ समुदायको परिवारलाई चित्रण गरिएको छ। यस समुदायका मानिसहरूका लागि समुद्र नै घर हो।

एड्रियाना क्यापिली समुद्रमा जीवनको अनुसन्धान गर्छिन्। उनी अस्ट्रेलियन इन्स्टिच्युट अफ मरिन साइन्सेजको प्रयोगशालामा काम गर्छिन्। यो प्रयोगशालाले ग्रेट ब्यारियर रिफको अनुगमन गर्छ र यहाँ भइरहेको परिवर्तनहरूको बारेमा अनुसन्धान गर्दछ। जाकोमो डीओर्ल्यान्डोको यो तस्बिरले ‘नेट्रा बेस्ड सोलुसन्स एन्ड ओशन डिस्कभरिज श्रेणीमा प्रथम पुरस्कार जितेको छ।

जर्जियाका भिक्टर लेगुस्किनको यो तस्विरको नाम ‘एलियन्स फाइन्ड ए स्पेसशिप’ हो। यसले ‘ओशन क्रिएचर्स’ विधामा प्रथम पुरस्कार जितेको छ । तस्बिरमा स्पेसशिप जस्तो देखिने जीव टेनोफोर हो, जुन एक प्रकारको जेलीफिस हो र मांसाहारी हो।

माछा मार्नेहरूले समुद्रमा छोड्ने जाललाई भूतको जाल भनिन्छ। थाइल्याण्डको तटमा त्यस्ता परित्याग गरिएका जालहरू ठूलो समस्या बनेका छन्।थाइल्याण्डको ओङ्क होरवाङको यो तस्विरमा मान्टा रे माछा यस्तै जालमा फसेको छ । ‘पुनरुत्थान’ विधामा पहिलो पुरस्कार पाएको छ ।

फिजीको भिटी लिउ टापुको दक्षिणी भागमा सयौं म्यान्ग्रोभ खेती भइरहेको छ। सरकारी अभियानअन्तर्गत समुन्द्र किनारमा बसोबास गर्ने मानिसहरूलाई म्यान्ग्रोभ खेती गर्न प्रोत्साहन गरिन्छ। पछि, सरकारले तिनीहरूलाई किनेर म्यानग्रोभ वन बढाउन प्रयोग गर्छ। जर्मनीका टम वेयर्सको यो तस्बिरले ‘नेटर बेस्ड सोलुसन्स एन्ड ओशन डिस्कभरिज’ श्रेणीमा दोस्रो पुरस्कार जितेको छ ।

यो तस्बिर मेक्सिकोको ला पाजमा क्रोएसियाका डामिर जुरुबले खिचेका हुन् जहाँ समुद्री सिंह धेरै संख्यामा पाइन्छ। यो तस्विरले ‘अण्डरवाटर ल्यान्डस्केप’ विधामा तेस्रो पुरस्कार जितेको छ ।

एजोरेस विश्वविद्यालयका एक वैज्ञानिकले पोर्चुगलको पिको टापुको समुद्री कछुवालाई फेरि पानीमा छोड्दैछन्। यस कछुवाको पछाडि जियोलोकेटर जडान गरिएको छ, जसको माध्यमबाट समुद्री जीवहरूको बारेमा महत्त्वपूर्ण जानकारी संकलन गरिन्छ। यो तस्बिर पोर्चुगलका नुनो भास्को रोड्रिग्जले खिचेका हुन् । ‘पुनरुत्थान’ विधामा दोस्रो पुरस्कार प्राप्त भएको छ ।

इन्डोनेसियाको सुलावेसीको लाम्बे खाडीको समुद्रमुनि यो समुद्री एनिमोन जस्तो देखिने सानो माछाले घेरिएको क्यारेन्थेरियाको तस्वीर हो। यो तस्बिर अमेरिकाकी जेनिफर जोन्सनले खिचेकी हुन् । यसले ‘ओशन क्रिएचर्स’ विधामा दोस्रो पुरस्कार जितेको छ ।

यो तस्विरमार्फत अमेरिकाका रिक मोरिसले फ्लोरिडा नजिकैको समुन्द्रमा कोरलको संख्या बढाउने प्रयासको नतिजा के हुनसक्छ भनेर देखाउने प्रयास गरेका छन् । यो तस्बिर तीन तस्विरको श्रृङ्खलाको हिस्सा हो र यसले ‘रिभाइटलाइजेशन’ विधामा तेस्रो पुरस्कार जितेको छ ।

भियतनामको नुयेन भुको यो तस्विरको नाम ‘एन आर अफ बोट्स’ हो । यसमा सुपर टाइफुन ९ आउनुअघि नै डुङ्गाहरू जम्मा गरी समुद्र तटमा बाँधिएको छ । यो तस्विरले ‘ल्याण्डस्केप अन वाटर’ विधामा तेस्रो पुरस्कार जितेको छ ।

-बीबीसी हिन्दीको सहयोगमा