• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

सुरक्षित तवरले डिजिटल कारोबार गर्न सनराइज बैंकको आग्रह



काठमाडौं । सनराइज बैंकले सुरक्षित तवरले डिजिटल कारोबार गर्नका लागि बैंक खाता, मोबाइल बैंकिङ, इन्टरनेट बैंकिङ, डेबिट र क्रेडिट कार्डजस्ता सेवासँग सम्बन्धित संवेदनशील विवरणहरु कुनै पनि व्यक्तिलाई प्रदान नगर्न आग्रह गरेको छ ।

बैंकले एक सूचना जारी गर्दै फेसबुक मेसेन्जरलगायत सामाजिक सञ्जालको दुरुपयोग गरी नक्कली फेसबुक आइडी बनाई चिनेजानेका व्यक्ति, नजिकका नातेदार, आफन्तलगायतका व्यक्तिहरुसँग मेसेन्जरमार्फत केही सापटी मागी मोबाइल बैंकिङ, इ–बैंकिङलगायतका माध्यमबाट खातामा वा वालेटमा रकम ट्रान्सफर गर्न लगाई ठगी गर्ने व्यक्ति र गिरोह सक्रिय रहेको जानकारी प्राप्त भएको जनाएको छ ।

कुनै पनि चिनेजानेको व्यक्तिको आइडीबाट रकम सापटी वा अन्य कुनै प्रयोजनका लागि मागेको खण्डमा सो अनुरोध गर्ने व्यक्ति सही भएको यकिन गरेर मात्र रकम ट्रन्सफर गर्न बैंकले अनुरोध गरेको छ ।

बैंकले खाताको पूर्ण विवरण, युजर आइडी, पासवर्ड, बैंकले एसएमएसमार्फत पठाउने एक्टिभेसन कोड तथा ओटीपी, कार्ड नम्बरलगायत कार्डको एक्सपायरी डेट तथा कार्डको पछाडिपटि छापिएको तीन अंकको कोड (सीसीभी) आदि कसैलाई पनि प्रदान नगर्नसमेत आग्रह गरेको छ ।

साथै बैंकले सुरक्षाको दृष्टिकोणले समय समयमा आफ्ना पासवर्ड-पिनहरु परिवर्तन गर्ने, खाता र कार्डमार्फत भएका कारोबारको विवरण स्टेटमेन्ट रुजु गर्ने तथा कुनै कारोबार शंकास्पद लागेमा तुरुन्त आफ्नो खाता रहेको बैंकमा खबर गर्न अनुरोध गरेको छ ।