• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस् ★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू

अर्थमन्त्री र गभर्नरबीच भेट, आगामी मौद्रिक नीतिबारे छलफल



काठमाडौँ । अर्थमन्त्री जनार्दन शर्मा र नेपाल राष्ट्र बैंकका गभर्नर महाप्रसाद अधिकारीबीच बुधबार बिहान अर्थ मन्त्रालयमा भेट भएको छ ।

भेटमा दुवैबीच आगामी आर्थिक वर्ष २०७९/०८० को मौद्रिक नीतिका सम्बन्धमा छलफल भएको छ । आगामी आवको बजेटको लक्ष्यलाई हासिल गर्ने गरी मौद्रिक नीति आउनुपर्ने अर्थमन्त्री शर्माले बताउनुभएको थियो ।

गभर्नर अधिकारीले बजेटका लक्षलाई हासिल गर्ने गरी मौद्रिक नीति आउने बताएका थिए । नेपाल राष्ट्र बैंकले आगामी आर्थिक वर्ष सुरु हुनुअघि नै आगामी आर्थिक वर्षका लागि मौद्रिक नीति सार्वजनिक गर्ने गर्छ । मौद्रिक नीति सार्वजनिक गर्नुअघि राष्ट्र बैंकले सरोकारवालासँग सुझाव संकलन सुरु गरिसकेको छ ।

सरकारले आगामी आर्थिक वर्षको बजेटबाट आठ प्रतिशतको आर्थिक वृद्धि गर्ने र मुद्रास्फीति सात प्रतिशतभित्र राख्ने लक्ष्य राखेको छ । राष्ट्र बैंकले मौद्रिक नीतिमार्फत यी लक्ष्य हासिल गर्ने नीति ल्याउनु पर्नेछ ।