• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी ★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो ★   हवाई टिकटमा १३ प्रतिशत अतिरिक्त कर व्यवस्थाले पर्यटन क्षेत्र निरुत्साहित भयो: अध्यक्ष ढकाल ★   मुम्बई लगातार दुई खेलमा पराजित भएपछि कप्तान पाण्ड्याको आलोचना ★   एमडीएमएस खरिद प्रकरण: दूरसञ्चार प्राधिकरणका २० जनाविरुद्ध मुद्दा दायर ★   प्रतिस्पर्धाको अभावले अष्ट्रेलियाको जीवनस्तर तथा उत्पादकत्वमा गिरावट: रिपोर्ट

संसद्मा गृहमन्त्री र प्रमुख निर्वाचन आयुक्तको राजीनामा माग



काठमाडौँ । बाजुराको बुढीगंगा नगरपालिकाको निर्वाचन पुनः गर्नुपर्ने निर्णय गरेको र सो निर्णय कानूनसम्मत नभएको भन्दै नेकपा (एमाले) का सांसदहरुले मंगलबारको प्रतिनिधिसभाको बैठकमा गृहमन्त्री बालकृष्ण खाण र प्रमुख निर्वाचन आयुक्त दिनेशकुमार थपलियाको राजीनामा माग गरेका छन् ।

बुढीगंगाका केही वडाहरुमा कांग्रेस र एमालेका कार्यकर्ताहरुले बुथ कब्जा गरेर मतदान गरेको आरोप लागेपछि त्यहाँ निर्वाचन आयोगले यही जेठ महिनाभित्र पुनः निर्वाचन गराउन लागेको छ । गत वैशाख ३० गते बुढीगंगा नगरपालिकामा भएको निर्वाचन सोही कारणले विवादित बनेको थियो ।

एमाले सांसद लालबहादुर थापाले पुनः निर्वाचन गर्ने निर्वाचन आयोगको निर्णयबाट जनताको अभिमतप्रति अन्याय गरेको आरोप लगाउनुभयो । उनले पुनः निर्वाचन गर्नुभन्दा भइसकेको मतदानको मतगणना सुरु गर्नुपर्ने बताउनुभयो ।

उहाँले वैशाख ३० गते भएको निर्वाचनका सन्दर्भमा निर्वाचन आयुक्त सगुन शम्शेर जबराको संयोजकत्वमा दुई सदस्यीय छानबिन समितिको प्रतिवेदनविपरीत राजनीतिक जालझेल, षडयन्त्र एवं प्रचलित कानूनविपरीत जेठ १२ गते प्रमुख निर्वाचन आयुक्त थपलिया, आयुक्तहरु रामप्रसाद भण्डारी र ईश्वरीप्रसाद पौडेलले बहुमतका आधारमा पुनः मतदानको निर्णय गरेको बताउनुभयो ।

सांसद थापाले प्रमुख निर्वाचन आयुक्त थपलियालगायत दुई आयुक्तका साथै गृहमन्त्रीको राजीनामा माग गर्नुभयो । साथै उहाँले गृहसचिव, प्रमुख जिल्ला अधिकारी, प्रहरी महानिरीक्षक र डिएसपीलाई हदैसम्मको कानूनी कारबाही गर्नुपर्ने बताउनुभयो ।