• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

बाजुरामा प्रजिअ, सुरक्षाकर्मीको नेतृत्व र निर्वाचन अधिकृत फेरिए



काठमाडौँ । बाजुराको बुढीगंगा नगरपालिकाको निर्वाचन प्रयोजनका लागि नयाँ निर्वाचन अधिकृत तोकिएको छ । यही जेठ महिनाभित्र निर्वाचन सम्पन्न गर्ने गरी निर्वाचन अयोगले तयारी थालेसँगै नयाँ निर्वाचन अधिकृत पठाइएको हो ।

साथै प्रमुख जिल्ला अधिकारी र नेपाल प्रहरी तथा सशस्त्र प्रहरीका प्रमुखलाई पनि परिवर्तन गरिएको छ ।

सो नगरपालिकामा गत वैशाख ३० गते भएको स्थानीय तहको निर्वाचन विवादित भएपछि आयोगले नयाँ निर्वाचन गर्न लागेको हो । नगरपालिकाका केही वडामा नेपाली कांग्रेस र नेकपा (एमाले) का कार्यकर्ताहरुले बुथ कब्जा गरेर मतदान गरेको आरोप लागेको थियो ।

बुथ कब्जाको आरोप लागेसँगै मतगणना सम्पन्न हुन सकेको थिएन । परिस्थिति जटिल बनेपछि निर्वाचन आयोगले त्यहाँका निर्वाचन अधिकृतलाई नै फिर्ता बोलाएको थियो ।

यसअघिका प्रजिअ उपेन्द्रराज पौडेलको ठाउँमा प्रकाशचन्द्र अधिकारी बाजुरको प्रमुख जिल्ला अधिकारी तोकिएका छन् । यसैगरी नेपाल प्रहरीका प्रहरी नायब उपरीक्षक सूर्यबहादुर थापा र सशस्त्र प्रहरीका नायब उपरीक्षक गंगादत्त पन्तलाई बाजुरा खटाइएको छ ।