• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

बालेन साहले लिए काठमाडौँ महानगरपालिकाको प्रमुखको सपथ ग्रहण



काठमाडौँ । काठमाडौँ महानगरपालिकाका नवनिर्वाचित प्रमुख बालेन्द्र साह (बालेन) ले पद तथा गोपनीयताको सपथ लिनुभएको छ ।

उहाँलाई प्रमुख निर्वाचन अधिकृत तथा जिल्ला न्यायाधीश राजकुमार खतिवडाले पद तथा गोपनीयताको सपथ गराउनुभएको हो । नवनिर्वाचित प्रमुख साहले नेपाल भाषामा समेत पद तथा गोपनीयताको सपथ लिनुभएको थियो ।

राष्ट्रिय सभागृहमा आयोजित समारोहमा नवनिर्वाचित प्रमुख बालेन साहले महानगरपालिकाका नवनिर्वाचित उपप्रमुख सुनिता डंगोल, वडाध्यक्षहरु तथा वडासदस्यहरुलाई पद तथा सपथ गराउनुभयो ।

यसअघि मुख्य निर्वाचन अधिकृत खतिवडाले महानगरपालिकाका नवनिर्वाचित साह, उपप्रमुख डंगोल तथा सम्पूर्ण वडाध्यक्ष र वडासदस्यहरुलाई प्रमाणपत्र वितरण गर्नुभएको थियो ।

काठमाडौँ महानगरपालिकाको हालै सम्पन्न निर्वाचनमा प्रमुख पदमा स्वतन्त्र उम्मेदवार भई बालेन साह निर्वाचित हुनुभएको थियो । उहाँले सत्ता गठबन्धनका तर्फबाट नेपाली कांग्रेसका उम्मेदवार सिर्जना सिंह र नेकपा (एमाले) का उम्मेदवार केशव स्थापितलाई पराजित गर्नुभएको थियो ।

यसैगरी उपप्रमुख पदमा एमालेकी डंगोल निर्वाचित हुनुभएको थियो ।