‘सेन्टी भाइरस’को विदेश राइट १ करोड १५ लाखमा बिक्यो, ५० प्रतिशत रकम गौतम बुद्ध अन्तराष्ट्रिय क्रिकेट रंगशालालाई दिईने

  

काठमाडौं । सिताराम कट्टले (धुर्मुस) र कुन्जना घिमिरे (सुन्तली)ले निर्माण गरेको फिल्म ‘सेन्टी भाइरस’को विदेश राइट बिक्री भएको छ । कलाकार तथा निर्माता सिताराम कट्टेललेका आनुसार रु १ करोड १५ लाखमा फिल्मको विदेश राइट अमेरिकाको नेप्सिने कम्पनीले किनेको हो । नेप्सिनेका प्रमुख विधान कार्की र फिल्म निर्माण कम्पनी सुविहानी फिल्मस्का सिताराम कट्टेल (धुर्मुस)ले फिल्मको बिदेश राइटका लागि सम्झौता गरेका छन् ।

यो फिल्मका निर्देशन रामबाबु गुरुङको रहेको छ । अर्को रोचक प्रसङ्ग भने फिल्म निर्माण युनिटले फिल्मको मुनाफाको ५० प्रतिशत रकम जनस्तरबाट निर्माण भैरहेको गौतम बुद्ध अन्तराष्ट्रिय क्रिकेट रंगशालामा सहयोग गर्ने पनि घोषणा गरिसकेको छ । सुबिहानी फिल्मस् प्रालिको व्यानरमा निर्माण भएको सो फिल्ममा सितारामसँगै दयाहाङ राई, कुञ्जना घिमिरे, विल्सन विक्रम राई, राजाराम पौडेल, बसन्त भट्ट, कमलमणि नेपाल, सन्दीप क्षेत्री लगायतका कलाकारको जोडदार अभिनय रहेको छ ।

डिन्डू लामा ह्याल्मोनिर्माता रहेको फिल्मको सह निर्मातामा फुर्पा ह्याल्मो रहेकी छन् । फिल्म शिवरात्रीको अवसर पारेर फागुन ९ देखि सार्बजनिक प्रदर्शनमा आउने भएको छ । फिल्ममा कुमार कट्टेल र दीपक आचार्यको लेखन रहेको छ ।