• /
    सोमवार, चैत्र २४, २०७६

कोटेश्वर प्रहरीको पहलमा मनोहरा तरकारी बजारमा प्रहरी बीट स्थापना

काठमाडौं । महानगरीय प्रहरी प्रभाग कोटेश्वर अन्तर्गत जडिबुटीस्थित तरकारी वजारमा अस्थायी प्रहरी बीट स्थापना गरिएको छ । ‘समुदाय—प्रहरी साझेदारी कार्यक्रम’ अन्तर्गत प्रहरी प्रभाग कोटेश्वरकी इन्चार्ज प्रहरी निरीक्षक सुभद्रा वाइवा लामाको पहलमा स्थानीय व्यक्ति र सामाजिक संघ संस्थाको आर्थिक सहयोगमा सो प्रहरी बीट स्थापना गरिएको हो ।

तरकारी बजारमा हुनसक्ने कालोबजारी, मनोहरा खोलाको वारीपारी किनारमा हुनसक्ने वेश्यावृत्ति, लागुपदार्थ दुव्र्यसन, मदिराजन्य पदार्थको विक्रीवितरण लगायत विविध अपराधलाई न्यूनिकरण गर्ने उद्धेश्यले उक्त प्रहरी बीटको स्थापना गरिएको हो । सो बीटमा प्रहरी हवल्दारको कमाण्डमा प्रहरी ड्युटीमा खटिनेछन ।

प्रहरी बीटको लागि हाल मनोहरा कृषि बजार प्रालिको दोस्रो भवनको एउटा शटर कवल उपलव्ध गराईएको छ भने ड्युटीमा बस्ने प्रहरीका लागि खाना बनाउने व्यवस्था, कुर्सी र राती सुत्नको लागि खाटको समेत व्यवस्था गरिएको छ ।

महानगरीय प्रहरी वृत्त नयाँ बानेश्वरका प्रमुख, प्रहरी नायव उपरिक्षक दुर्गाराज रेग्मीले सो प्रहरी बीटको उद्घाटन गर्दै बीटमा खटिने प्रहरीका कारण त्यस क्षेत्रमा हुनसक्ने संभावित अपराधका घटनामा कमी मात्रै नभई अपराध नियन्त्रणमा समेत कमी हुने विश्वास व्यक्त गरे ।

त्यस अवसरमा महानगरीय प्रहरी प्रभाग कोटेश्वर र प्रभाग अन्तर्गतका प्रहरी बीटहरुमा कार्यत्ररत प्रहरीको रात्रीकालीन सुरक्षा ड्युटीको लागि कोटेश्वर व्यवसायी संघको तर्फबाट ५१ थान राती टल्किने हाफ ज्याकेट प्रदान गरियो । संघका अध्यक्ष सरोज थापाले ती ज्याकेट वृत्तका प्रमुख डिएसपि रेग्मी र प्रभागकी इन्चार्ज प्रहरी निरीक्षक सुभद्रा वाइवालाई हस्तान्तरण गरे ।

कार्यक्रममा महानगरीय प्रहरी प्रभाग कोटेश्वरकी प्रमुख प्रहरी निरीक्षक वाइवाले अस्थायी प्रहरी बीटको स्थायीत्वको लागि स्थानीय जनताले आगामी दिनमा पहल गर्ने र प्रहरीले पनि स्थानीयको शान्ति सुरक्षाको लागि कुनै कसर नछोड्ने बताइन ।

कोटेश्वर व्यवसायी संघका अध्यक्ष सरोज थापाले संघले कोटेश्वरका व्यवसायीहरुको हीतका साथै सामाजिक कार्यहरुमा पनि उत्तिकै सकृय रहँदै आएको बताए ।
त्यस अवसरमा सो अस्थायी प्रहरी बीट स्थापना गर्न आर्थिक तथा भौतिक सहयोग गर्ने दाता गोविन्द जिसी, कोटदेवी सहकारी संस्थाका अध्यक्ष सुमन जिसी, दिव्यशक्ति नेपालकी अध्यक्ष रोजिना जंगम, समाजसेवी शकुन्तला वन्जारा, मनोहरा सृजनशिल समाजका अध्यक्ष श्याम लामा, मनोहरा कृषि बजार प्रालिका सञ्चालक कानुन कोइराला, वरिष्ठ अधिवक्ता रमेश मैनाली र कोटेश्वर व्यवसायी संघका अध्यक्ष सरोज थापालाई प्रहरी नायव उपरिक्षक रेग्मीले प्रशंसापत्र वितरण गरे ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*



भर्खरै view all

लकडाउन एक हप्ता थप्नुपर्ने उच्चस्तरीय समितिको माग

सरकारले ५० हजार स्वास्थ्य स्वयंसेविका परिचालन गर्ने

पश्चिम नवलपरासीमा लागू औषध सहित एक जना पक्राउ

नियन्त्रण गरिएका व्यक्तिमा कोरोना पुष्टि भएपछि सशस्त्रको टोली नै सेल्फ क्वारेन्टाइनमा

अमेरिकामा चार नेपालीको मृत्यु




फिचर स्टोरीshow all
It is our great pleasure to introduce our organisation, newspolar.com, an online news portal promoted by Third Pole Group Private Limited. The Third Pole Group Private Limited is a team of highly professional and well experienced journalists, academics and business people.
Chief Editor/Chairman
NP Rimal Nirmal

Third Pole Group Pvt. Ltd

Babarmahal, Kathmandu, Nepal

+977 014258394