• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा

१२ आप्रवासीको मृत्युलाई लिएर टर्की र ग्रीसबीच कूटनीतिक विवाद



इस्तानबुल, टर्कीे । ग्रीसको सीमा नजिकैको टर्कीको शहरमा चिसोले कठाङ्ग्रिएर १२ जना आप्रवासीको मृत्युको विषयलाई लिएर टर्की र ग्रीस बीच कूटनीतिक विवाद बढेको छ । ती आप्रवासी किन त्यहाँ फसे र चीसोमा जमेर मर्न विवश भए भन्ने विषय स्पष्ट छैन तर ग्रीस र टर्कीले यस त्रासदीको लागि एक अर्कालाई दोषारोपण गरेको सीएनएनले जनाएको छ। 

टर्कीका आन्तरिक मन्त्री सुलेमान सोयलुले युरोपेली युनियनमा प्रवेश गर्न खोज्ने आप्रवासीहरूले प्रयोग गर्ने सीमावर्ती शहर इप्सालामा एक दर्जन आप्रवासीको चिसोले मृत्यु भएको बताएका छन्।

सोइलुले ट्वीटरमा लेखेका छन् ''ग्रीक सीमा अधिकारीहरूले तिनीहरूलाई हटाएको र तिनीहरूको जुत्ता र लुगाहरू खोसिएको छ।'' उनले धमिलो तस्बिरहरू ट्वीट गर्दै कम्तिमा आठ व्यक्तिको शव आंशिक रूपमा लुगा लगाएको र माटोमा लडिरहेको देखाइएको देखिन्छ भनेर लेखेको सीएनएनले रिपोर्ट गरेको छ। सोयलुले ग्रीक सीमा गस्ती र एकाइहरूलाई ठगको संज्ञा दिँदै युरोपेली संघ 'उपचारविहीन, कमजोर र मानवीय भावनाहरूको शून्य' रहेको टिप्पणी समेत गरेका छन् ।

यसैगरी ग्रीसका अध्यागमन मन्त्री नोटिस मिताराचीले सोइलुको  उक्त आरोप अस्वीकार गरेका छन् । 'इप्साला नजिकैको टर्की सीमामा १२ आप्रवासीको मृत्यु हुनु दुःखद घटना हो,' उनले एक विज्ञप्तिमा भने। 'तर यस घटनाको पछाडिको सत्य मेरो समकक्षीले गरेको झूटो प्रचारसँग मिल्दोजुल्दो छैन।'

मिताराचीका अनुसार ती आप्रवासीहरू कहिल्यै सीमामा पुगेका छैनन्। ''उनीहरूले गरेको कुनै पनि सुझाव वा दावी वास्तवमा पूर्णतः बकवास हो,'' उनले भने। ''निराधार दावीहरू गर्नुको सट्टा टर्कीले आफ्नो दायित्वहरू पूरा गर्न र यी खतरनाक यात्राहरू रोक्न काम गर्न आवश्यक छ'' उनले भने ।

१२ जना आप्रवासीहरू २२ जनाको समूहमा थिए। क्षेत्रीय अधिकारीहरूले एक विज्ञप्तिमा जनाएअनुसार उनीहरूले अझै बाँकी १० जनाको खोजी गरिरहेका छन् । उक्त  घटनाको अनुसन्धान शुरु गरिएको छ। (रासस/एएनआई)