• /
    बिहिबार, कार्तिक ७, २०७६

दशैंमा उपत्यका खाली, १४ लाखभन्दा बढी फर्किए गाउँ

काठमाडौं । दशैंको मुखैमा उपत्यकाको मुख्य–मुख्य नाकामा दशैं मान्न उपत्यका छोडी गाउँ जाने यात्रुको लर्को लागेको छ। बुधबारसम्म मात्रै १४ लाख १३ हजार ३ सय ५७ यात्रुले उपत्यका छोडेका छन्। नागढुंगा, भक्तपुर, मुड्खु र फर्पिङ नाका हुँदै ती यात्रु उपत्यकाबाट बाहिरिएका हुन्। त्यस्तै असोज ५ देखि १५ गतेसम्मको तथ्यांकअनुसार हेर्ने हो भने भने ८ लाख ४२ हजार २ सय ४९ जना यात्रु उपत्यका भित्रिएका छन्।

ट्राफिक प्रहरी महाशाखाका प्रहरी उपरीक्षक जीवनकुमार श्रेष्ठका अनुसार १ लाख ५५ हजार ८ सय ७७ सवारीसाधन उपत्यकाबाट बाहिरिएको छ। त्यसै गरी १ लाख ३० हजार १ सय ६४ साधन उपत्यका भित्रिएको छ। पछिल्लो दुई दिनदेखि २ लाख बढी यात्रुले उपत्यका छोडिरहेको उहाँले जानकारी दिनुभयो। ‘दुई दिनदेखि २ लाख बढी यात्रुले उपत्यका छोडिरहेका छन्’, उहाँले भन्नुभयो– ‘अझै तीन दिन बाँकीसम्म यात्रु बाहिरिने क्रम जारी रहने भएकाले अझै बढ्न सक्ने सम्भावना रहेको छ।’

मंगलबार मात्रै १ लाख ९९ हजार १ सय २१ जनाले उपत्यका छोडेका थिए भने बुधबार २ लाख २१ हजार ३ सय ६९ जना यात्रुले उपत्यका छोडेका थिए। यसरी तथ्यांक हेर्दा पनि दैनिकजसो उपत्यका छोडेर दशैंका लागि घर जाने यात्रुको संख्यामा वृद्धि भइरहेको छ। अघिल्लो वर्षहरूमा दशैंमा ३ लाख यात्रुले उपत्यका छोडे पनि योपटक भने घटेर २ लाखको हाराहारीमा पुग्न सक्ने अनुमान महाशाखाको छ।

महानवमीसम्म यात्रु घर जान उपत्यका छोड्ने गरेको अघिल्लो वर्र्षको तथ्यांकले देखाएको छ।महाशाखाले बुधबारसम्म १ लाख ३८ हजार ७ सय ६२ वटा अग्रिम टिकट बुकिङ भएको जनाएको छ। नेपाल समाचारपत्र दैनिकबाट

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*



भर्खरै view all

आइओएमको एमबिबिएस सिट बढाईयो तर कर्मचारीका छोराछोरी मात्र पढाउन

विवेकशीलका चर्चितहरु बाहिरिएपछि नयाँले ठाँउ पाए

विद्यालय नै असुरक्षित, बरण्डा भत्किँदा ४२ विद्यार्थी घाइते

एल क्लासिकोको नयाँ मिति समेत विवादित बन्यो

बार्सिलोनाको संघर्षपूर्ण जितमा फुटबल स्टार मेस्सीको नयाँ किर्तिमान




फिचर स्टोरीshow all
It is our great pleasure to introduce our organisation, newspolar.com, an online news portal promoted by Third Pole Group Private Limited. The Third Pole Group Private Limited is a team of highly professional and well experienced journalists, academics and business people.
Chief Editor/Chairman
Prabha Panthi

Third Pole Group Pvt. Ltd

Babarmahal, Kathmandu, Nepal

+977 014258394