• /
    सोमवार, भदौ ३०, २०७६

ट्रम्पले राष्ट्रिय सुरक्षा सल्लाहकार बोल्टनलाई गरे बर्खास्त, केही समयदेखि चुप थिए बाेल्टन

वासिङटनः अमेरिकी राष्ट्रपति डोनाल्ड ट्रम्पले फेरि ह्वाइट हाउसमा ठूलाे फेरबदल गरेका छन् । फ्रान्सेली समाचार समिति एएफपीका अनुसार ट्रम्पले राष्ट्रिय सुरक्षा सल्लाहकार जोन बोल्टनलाई बर्खास्त गरेका छन् । बोल्टनसँग आफ्नो असहमति रहेको भन्दै ट्रम्पले बर्खास्त गरेका हुन् ।

चार वर्षे राष्ट्रपतिय कालमा राष्ट्रिय सुरक्षा सल्लाहकार फेरिएकाे याे तेस्राे अवसर हाे । यसअघि २ जना सल्लाहकार बर्खास्तीमा परिसकेका थिए ।

यसअघि मिसेल फ्लाइन र एचआर एमसीमास्टरले ट्रम्पको सुरक्षा सल्लाहकारको भूमिका खेलेका थिए । तर, ट्रम्पसँगको असहमतिपछि उनीहरू छोटो समयमै बाहिरिएका थिए । सन् २०१८ को अप्रिलमा तेस्रो सुरक्षा सल्लाहकारका रूपमा बोल्टनकाे नियुक्ति भएकाे थियाे ।

ट्रम्पले एक ट्विट गर्दै पदबाट राजीनामा दिन गरेको आग्रहअनुसार, जोनले मंगलबार राजीनामा दिएको उल्लेख गरेका छन् । ‘मैले जोनलाई राजीनामा दिन भनेको थिएँ । उनले मंगलबार बिहान मलाई राजीनामा बुझाएका छन् ।’

यद्यपि, बाेल्टनले ट्रम्पले नभनीकनै आफूले पदबाट राजीनामा दिएको बताएका छन् । जोनले उपयुक्त समयमा आफ्ना भनाइ सार्वजनिक गर्ने पनि बताएका छन् ।

‘कसैले नभनीकनै मैले आफैंले राजीनामा दिएको हुँ । उपयुक्त समयमा यसबारे आफ्ना धारणा राख्नेछु’, पदबाट बर्खास्त गरेको ट्रम्पको भनाइप्रति लक्षित गर्दै उनले भनेका छन् ।

ट्रम्पले इरान विरुद्ध अपनाएको कडा रवैयाको प्रमुख योजनाकार यिनै बोल्टनलाई मानिन्छ । तेहरानका नेताहरूसँग ट्रम्पले भेटघाट गर्न चाहेकोमा उनले विरोध गरेका थिए । त्यस्तै, उत्तर कोरियासँग परमाणु निःशस्त्रीकरणसम्बन्धी शिखर वार्तामा बाेल्टनले सकारात्मक भूमिका नखेलेको आरोप उत्तर काेरियाकाे छ ।

सुरुका दिनमा दुईबीच खासै विवाद नदेखिए पनि ट्रम्पका पछिल्ला विदेशनीतिप्रति उनी असहमत थिए । बाेल्टनकाे राजीनामापछि रिक्त सुरक्षा सल्लाहकारमा ट्रम्पले कसैलाई पनि नियुक्त गरेका छैनन् । ट्रम्पले अर्को सातासम्ममा नयाँ सुरक्षा सल्लाहकार नियुक्त गर्ने बताएका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

स्वर्ण पदक विजेता प्रिन्सलाई स्वागत

पाउनै छाडे माटोका गाग्री, किन भए त लोप !

राजधानीमा प्रहरीलाई मिल्यो ठुलो सफलता, थप अनुसन्धान हुँदै

एएफसी फुटबल : नेपालले कुवेतसँग खेल्ने

डेंगु लागेका बिरामीले ३ हजार पाउने




फिचर स्टोरीshow all
It is our great pleasure to introduce our organisation, newspolar.com, an online news portal promoted by Third Pole Group Private Limited. The Third Pole Group Private Limited is a team of highly professional and well experienced journalists, academics and business people.

सूचना विभाग दर्ता नं: १११६/०७५-७६

Chairman / Chief Editor
Prabha Panthi

Third Pole Group Pvt. Ltd

Babarmahal, Kathmandu, Nepal

+977 014258394