• /
    सोमवार, भदौ ९, २०७६

बुबाको शालिक अनावरणपछि यसरी भक्कानिए उद्योगपति ढकाल (भिडियोसहित)

बागलुङ । आफ्ना पिताजी हिरण्यप्रसाद ढकालको शालिक अनावरणपछि भक्कानिए उद्योगपति चन्द्रप्रसाद ढकाल र उनका भाई हेमराज ढकाल । गत सोमबार उनको जन्मस्थल बागलुङको अमलाचौरमा आयोजित एक विशेष समारोहमा राष्ट्रपति विद्यादेवी भण्डारीले स्वर्गीय ढकालको शालिक अनावरण गरेकि थिइन् ।

आइएमई ग्रुपका अध्यक्ष चन्द्रप्रसाद ढकाल र उनका भाई हेमराज ढकालले आफ्ना पिता ढकालको स्मृतिमा पृथ्वी हिरण्य माध्यमिक विद्यालयमा ५ करोड २८ लाख रुपैयाँको लगानीमा चौध कोठे पक्की भवन बनाएका छन् । सो भवन निर्माण भएपछि त्यहाँका पूर्व विद्यार्थीहरुको प्रयासमा रकम संकलन गरी कम्प्युटर र विज्ञान प्रयोगशाला पनि निर्माण भएको छ ।

सो समारोहलाई सम्बोधन गर्न र उनका पिताको शालिक अनावरण गर्न सोमबार राष्ट्रपति भण्डारी अमलाचौर पुगेकी थिइन् । उनले सो शालिक अनावरण गरी विद्यालय भवनको उद्घाटन पनि गरिन् । त्यसपछि बोल्ने क्रममा ढकालले मन थाम्न सकेनन् । उनले आफ्ना पिताजी कर्मका वास्तविक पुजारी हुनुहुन्थ्यो भन्दै स्मरण गरेका थिए । सोही विद्यालयका पूर्व विद्यार्थी रहेका ढकालले आफ्नो विद्यार्थी जीवनका दिनहरु र बुबाको निधनको स्मरण गर्ने क्रममा निकै नै भावुक भए । त्यस समय आफूले अध्ययन गर्ने क्रममा पाएका दुःखका दिनहरु सम्झिएर उनी भक्कानिएपछि कार्यक्रममा उपस्थित अधिकांशका व्यक्ति तथा आफन्तका आँखा रसाएका थिए ।

आफूले जीवनमा निकै दुःख गरेर पढेको भए पनि अहिलेको पुस्ताले त्यस्तो दुःख नपाओस भनेर आफूले सो विद्यालयमा लगानी गरेको जानकारी गराएका थिए । उनले भने– मैले त्यस समयमा जसरी दुःख गरेर पढेँ, ती दिनको म स्मरण मात्र गर्न सक्छु अहिले यहाँ भन्न सक्दिन । हामी सानो उमेरमै छँदा घरको अभिभावक पिताजीलाई गुमाउँदा हामीले कति दुःख पायौँ र आमाले के कसरी हामीलाई हुर्काउनुभयो भन्ने बारेमा पनि आफूले स्मरण मात्र गर्न सक्ने उनले बताए ।

आफूहरु सानो छँदै घरका अभिभावकका रुपमा रहेका पिताजी गुमाउँदा कस्तो पीडा भएको थियो भन्ने कुराको स्मरण गर्दै उनले भनेका थिए– हामी सात देखि सत्र वर्षको उमेरका परिवारका सदस्यहरु रहेका र आमाले कसरी हामीलाई हुर्काउनु भयो होला भनेर उनी निकै नै भावुक भए । आफूले सानो छँदा पाएको दुःखको स्मरण गरेर अहिलेको बालबालिकाले त्यस्तो अप्ठेरो भोग्न नपरोस् र घर गाउँमै सजिलै शिक्षा ग्रहण गर्न सकोस् भनेर आफूले शिक्षाका लागि लगानी गरेको उनले बताए । आफ्नो जन्मस्थान र माटोको मायाले आफूहरुलाई तानेकोले पनि यहाँ लगानी गरी सो विद्यालयलाई राम्रो बनाउने प्रेरणा मिलेको बताए ।

नेपालका एकजना सफल उद्यमी ढकालले सबैभन्दा ठूलो धन विद्या हो भन्दै यस विद्यालयका विद्यार्थीहरुलाई राम्ररी पढ्न सुझाव पनि दिए । आफूहरुले विगतमा शिक्षा प्राप्तिका क्रममा निकै ठूलो संघर्ष गर्नु परेको स्मरण गर्दै तर अहिलेको पुस्ताले भने पढिदिए हुने उनको सुझाव थियो । ठूलो सहभागिता रहेको सो सभामा उनको सम्बोधनले धेरैलाई भावुक बनाएको थियो । राष्टपतिको हैसियतमा भण्डारी पहिलो पटक बागलुङ पुगेकोले पनि ठूलो संख्याका मानिस त्यहाँ उपस्थित भएका थिए ।

सो सभामा आफ्नी आमाले लेखेको कविता बाचन गर्ने क्रममा युवा उद्यमी तथा चन्द्र ढकालका भाइ हेमराज ढकाल पनि भक्कानिएका थिए । आमा जानुका ढकालले आफ्ना पति स्वर्गीय भएको अवस्थालाई सो कवितामा चित्रण गरेकी थिइन् । आफूले छोराछोरीलाई कसरी संघर्ष गरेर हुर्काउनु, बढाउनु, पढाउनु परेको थियो भन्ने विषय सो कवितामा समेटिएको थियो ।

भिडियो

सम्बन्धित समाचार

नेपाल द्रुत आर्थिक विकास र समुन्नतिको मार्गमाः उपाध्यक्ष ढकाल

काठमाडौँ । नेपाल उद्योग वाणिज्य महासंघका उपाध्यक्ष तथा रोजगारदाता परिषद्का सभापति चन्द्रप्रसाद ढकालले नेपालमा स्थिर सरकार र सुदृढ व्यवसायिक वातावरण…

उपाध्यक्ष ढकालले गर्नुभयो सुदूरपश्चिप प्रदेश कार्यालयको उद्घाटन

धनगढी । नेपाल उद्योग वाणिज्य संघका उपाध्यक्ष चन्द्रप्रसाद ढकालले नेपाल उद्योग वाणिज्य महासंघको सुदूरपश्चिम प्रदेश कार्यालयको उद्घाटन गर्नुभएको छ ।…

नेपालमा वैदेशिक लगानीका लागि उपाध्यक्ष ढकालको आग्रह

काठमाडौँ- (रासस) – नेपाल उद्योग वाणिज्य महासङ्घको रोजगारदाता परिषद्का अध्यक्ष चन्द्रप्रसाद ढकालले नेपालमा लगानी गर्न सार्क देशका रोजगारदाता एवं लगानीकर्तालाई…

सुदुरपश्चिम समृद्धिको आधार पर्यटन – महासंघ उपाध्यक्ष चन्द्र ढकाल

काठमाडौं । आइएमई ग्रुपका अध्यक्ष एवम् नेपाल उद्योग बाणिज्य महासंघका उपाध्यक्ष चन्द«प्रसाद ढकालले पर्यटन नै सुदूरपश्चिम समृद्विको आधार भएको बताएका…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

झुन्डिए दुई युवकको मृत्यु, घटनाबारे अनुसन्धान भइरहेको

पुडासैनी मृत्यु प्रकरण : भिडलाई नियन्त्रण गर्न १२ राउण्ड अश्रु ग्यास प्रहार

‘पत्रकारको मूल्याङ्कन पाठकले गर्छन्’

हरेक स्थानीय तहमा उद्योगग्राम स्थापना गरिने

श्रमिकको जिम्मा कोषले लिन्छ ,मन खुम्च्याउन पर्दैनः मन्त्री विष्ट




फिचर स्टोरीshow all
It is our great pleasure to introduce our organisation, newspolar.com, an online news portal promoted by Third Pole Group Private Limited. The Third Pole Group Private Limited is a team of highly professional and well experienced journalists, academics and business people.

सूचना विभाग दर्ता नं: १११६/०७५-७६

Chairman / Chief Editor
Prabha Panthi

Third Pole Group Pvt. Ltd

Babarmahal, Kathmandu, Nepal

+977 014258394